Este mércores 23 de abril a Libraría NUMAX celebra o Día do Libro. Abriremos ao público en horario de 10:30h-14:00h e de 16:00h-20:30h con descontos do 10% en todos os libros en tenda e na nosa web.
A Libraría NUMAX acolle a presentación de Outroutro (Chan da Pólvora) de Jesús Castro Yáñez o venres 25 de abril ás 19:00h. O autor estará acompañado pola poeta Xiana Arias. A entrada é libre ata completar aforo.
A Libraría NUMAX acolle a presentación do libro Quiero y no puedo (Blackie Books) de Raquel Peláez o xoves 24 de abril ás 20:30h. A autora estará acompañado polo xornalista Anxo F. Couceiro. A entrada é libre ata completar aforo.
A docente e investigadora Nieves Febrer presenta Caderno FICBUEU#5: Jonas Mekas. O cinema como arte da memoria (FICBUEU) na Libraría NUMAX. Será o xoves 24 de abril ás 19:00h. Ao rematar a presentación haberá unha proxección de curtametraxes de Jonas Mekas na sala de cinema, para a que é preciso mercar entrada. O acceso para a presentación é libre ata completar aforo.
No Cinema NUMAX temos a honra de acoller unha completa retrospectiva na que viaxaremos polos 30 anos de carreira de Alfonso Zarauza, director e produtor fundamental no cinema galego contemporáneo cuxa obra está estreitamente vinculada coa cidade de Santiago.
Este mércores 9 de abril ás 19:40h celebramos un evento único coa proxección do filme Mes amis espagnols, con presentación e coloquio a cargo do seu autor, o cineasta suízo Adrien Bordone, xunto a Jesús Martínez e Domingo Rial, dous dos protagonistas da cinta. O filme chega á nosa pantalla tras gañar o premio a Mellor Filme na Sección Panorama do Festival de Ourense.
