A Libraría NUMAX acolle a presentación de Somatizar GZ de Pablo Orza o venres 30 de xaneiro ás 19h. O autor estará acompañado polo docente e investigador Germán Labrador. A entrada é libre ata completar aforo.
O venres 23 de xaneiro ás 19:00h celebrarase na Libraría NUMAX unha conversa sobre A praza do Diamante (Rodolfo e Priscila) coa autora do prólogo, María Villamarín; a tradutora, Pilar Vilaboi, e o editor de Rodolfo e Priscila, Carlos Meixide. A entrada é libre ata completar aforo.
A Libraría NUMAX acolle a copresentación dos libros Amor palimpsesta (Espiral maior) de Helena Salgueiro e Mundo carne (Malafera) de Branca Trigo o xoves 22 de xaneiro ás 19:30h. Este evento celébrase no marco da actividade da Asociación Aleph, coorganizada polo Grupo de Estudos Audiovisuais (GEA), que leva por título "Restos de letra e carne: memoria, creación e materia poética. Conversa e recital con Helena Salgueiro e Branca Trigo". Pódese consultar aquí o programa completo. A entrada é libre ata completar aforo.
Non queriamos cambiar de ano sen compartir as listas do mellor de 2025 para as traballadoras de NUMAX, incluíndo libros e filmes. Entre as cineastas máis repetidas destaca Lucrecia Martel, seguida de Kelly Reichardt, Kleber Mendonça Filho, Paulo Carneiro, Radu Jude ou Paul Thomas Anderson, e nas escritoras Aysegül Savas.
Vén de rematar un 2025 cheo de actividades e encontros felices na cooperativa NUMAX e, como cada ano, facemos un repaso ao máis destacado nos últimos 365 días. Moitas grazas por facelo realidade co teu apoio e participación!
O gran protagonista da nosa sección de Repertorio no ano 2026 será o guionista Rafael Azcona de quen se cumpre o centenario do seu nacemento. Ao longo de 2026, irán pasando pola nosa pantalla unha vintena de grandes títulos escritos por Azcona e dirixidos por autores da talla de Berlanga, Saura, Ferreri ou Cuerda. Primeiro pase o venres 2 de xaneiro con Plácido.
