A Libraría NUMAX acolle a presentación do libro As despedidas (Xerais) de Cecilia. F. Santomé o vindeiro xoves 23 de xaneiro ás 19:00h. A autora estará acompañada da escritora Berta Dávila. A entrada é libre ata completar aforo.
A Libraría NUMAX acolle a presentación do libro Objetos a los que acompaño (Círculo de Tiza) de Carlos Risco o vindeiro luns 20 de xaneiro ás 19:00h. O autor estará acompañado da escritora María Sánchez. A entrada é libre ata completar aforo.
Un ano máis compartimos as listaxes co mellor de 2024 para as traballadoras da cooperativa, incluíndo filmes e libros. Como veredes, entre as autoras máis repetidas atópanse Alice Rohrwacher, Pilar Palomero, Antón Álvarez e Luca Guadagnino no cinema e Claire Keegan na literatura.
Os focos de NUMAX comezan fortes o novo ano, cun ciclo que reúne 4 obras mestras de Mikio Naruse, gran cineasta xaponés de valor comparable a Ozu, Mizoguchi ou Kurosawa pero que segue a ser un descoñecido para o público xeral. O foco arrancará neste mes de xaneiro con 4 grandes títulos da década dos 50: Nai, A voz da montaña, Nubles flotantes e Á deriva. Entradas xa á venda.
Achéganse das vacacións de Nadal e en NUMAX non nos esquecemos das máis pequenas da casa, cun programa especial de Petís NUMAX. Programaremos, en primeiro lugar, unha selección de Curtametraxes de Buster Keaton (sábado 21 e luns 23 de decembro) e descubriremos o talento de Ub Iwerks (domingo 22 e martes 24), un dos grandes pioneiros dos cartoons clásicos de animación a quen se lle atribúe a creación do personaxe de Mickey Mouse.
O ciclo A cor das palabras, organizado polo Concello de Santiago e NUMAX, pecha 2024 cun dos grandes nomes do cinema galego actual. O ferrolán Alberto Gracia afondará no proceso creativo do seu filme La Parra nun encontro que leva por título «A imaxe que pensa» e que terá lugar o sábado 21 de decembro ás 12:00h.
