As investigadoras David Fontán, Lucía Santiago e Carlos Rey presentarán Tocadoras do Val do Dubra (aCentral Folque) o xoves 15 de maio ás 19:00h na Libraría NUMAX. A entrada é libre ata completar aforo.
A Libraría NUMAX acolle a presentación do libro Todo es verdad porque nadie mira (Plasson e Bartleboom) de Estela Gómez o mércores 14 de maio ás 19:00h. A autora estará acompañada polo escritor Xacobe Pato. A entrada é libre ata completar aforo.
A Libraría NUMAX participará na Feira do Libro de Santiago desde o sábado 3 ao domingo 11 de maio. Poderedes atoparnos na caseta número 1, ao lado da carpa de actividades, no paseo central da Alameda e beneficiarvos do 10% de desconto en todos os libros.
No mes de maio arranca a actividade deseñada e comisariada por NUMAX, «Dicir as marxes», que consistirá en catro encontros e un roteiro nos que explorar o sentido e os límites das fronteiras, o que consiguen conter e o que as desborda. Falaremos de xéneros literarios, do salvaxe e do urbano, das formas de relacionarse co estraño, do patrimonio arquitectónico e das relacións de amizade. Esta actividade está subvencionada pola Deputación da Coruña.
Estamos moi felices de sermos unha das salas de estrea de A Foreign Song, obra do cineasta noiés César Souto que ofrece un fermoso retrato do poeta modernista estadounidense Wallace Stevens. A estrea será o venres 25 de abril ás 19:45h nun evento que contará con presentación e coloquio con César Souto, acompañado do director de fotografía Alberte Branco e o produtor Daniel Froiz. En NUMAX temos ademais unha estreita vinculación coa obra pois no noso Laboratorio levouse a cabo a montaxe (Marcos Flórez), etalonaxe (Pablo Cayuela) e deseño gráfico (X. Carlos Hidalgo) do filme.
A Libraría NUMAX acolle a presentación de As superviventes (Xerais) de Ramón Caride o mércores 30 de abril ás 19:00h. O autor estará acompañado pola activista Laura Bugalho e a escritora Mariña Pérez Rei. A entrada é libre ata completar aforo.
