O xornalista Ramón Mariño Fernández estará con nós o luns 29 de xaneiro ás 20:00 da tarde presentar o libro Fanzines en Galiza. Unha breve e intensa historia da autoedición galega. O autor estará acompañado polo xornalista e estudoso da cultura underground, Iván Cuevas. A entrada é libre ata completar aforo.
A escritora Berta Dávila estará con nós o mércores 24 de xaneiro ás 20:30 da tarde presentar a súa última novela A ferida imaxinaria. A autora compostelá fará unha lectura do primeiro capítulo acompañada polo xornalista Daniel Salgado e o editor de Xerais Fran Alonso. A entrada é libre ata completar aforo.
PRAZAS COMPLETAS. Volve o Club de Lectura organizado entre a Libraría NUMAX e a editorial Irmás Cartoné. Neste primeiro bloque temático de 2024, coordinado por Carlos Valdés e Celia Recarey, as lecturas centraránse en obras literarias poscoloniais. A actividade conta co apoio do Concello de Santiago de Compostela.
O ciclo Os ollos verdes, que inclúe as estreas máis arriscadas e anovadoras do panorama internacional, viaxa ao cinema arxentino coa visita de Nicolás Zukerfeld e Malena Solarz. A parella de cineastas porteños presentará o luns 22 e martes 23 de xaneiro dúas sesións conducidas polo cineasta galego Ángel Santos.
Ao remate de cada ano gústanos lembrar os principais eventos e encontros que tiveron lugar en NUMAX dos que vós sodes parte imprescindible. 2023 foi un ano cheo de momentos para o recordo, incluída unha festa de aniversario, proxeccións ao aire libre, presentacións, coloquios e moito máis. Velaquí tedes unha pequena viaxe polos últimos 365 días na vida da cooperativa NUMAX.
A Libraría NUMAX acollerá o venres 19 de xaneiro ás 20:00h a presentación da novela gráfica El Cuerpo de Cristo de Bea Lema, editado por Astiberri. No evento, a autora estará acompañada pola ilustradora e dj Teresa Ferreiro. A entrada é libre ata completar aforo. © Imaxe: Marcos Míguez (La Voz de Galicia)
