Os martes de NUMAX, do 12 de decembro ao 5 de marzo, pertencen ao cinema de Yasujiro Ozu de quen proxectaremos nove obras mestras en copia restaurada. A viaxe polo inimitable universo do cineasta nipón arrancou co seu primeiro filme de posguerra, Historia dun vecindario, e finaliza o 5 de marzo coa súa última obra, a sublime O sabor do sake.
A Libraría NUMAX acollerá o venres 1 de decembro ás 20:00h a presentación da baralla artísitica O gaiteiro petroleiro. No evento participarán o investigador e comisario Germán Labrador, presidente da asociación Unha Gran Burla Negra, Daniel López Abel, as ilustradoras Sandra Lodi, Lúa Gándara e Tristán Ron; ademais de X. Carlos Hidalgo, socio traballador da cooperativa NUMAX e deseñador da baralla. A entrada é libre ata completar aforo.
Grazas á iniciativa da editorial Las Afueras traémosvos esta semana á Libraría NUMAX a actividade Libreiro por un día! O escritor e poeta Ismael Ramos uniráse ao noso equipo durante a tarde do xoves 30 de novembro (a partir das 18h00) para recomendar algunhas das súas lecturas favoritas.
O quinto encontro do ano no ciclo A cor das palabras que organizamos co Concello de Santiago ten como gran protagonista o cineasta independente americano Jon Jost, que visita NUMAX na estrea do seu novo filme, gravado en Galicia: Casa do silencio. Domingo 3 de decembro ás 11:30h.
Jon Jost, todo un mito do cinema independente americano, visitará NUMAX para presentar a estrea de Casa do silencio, filme gravado en Galicia neste 2023. Co gallo da súa presenza imos celebrar en colaboración con aCentral Folque un Foco con tres dous seus filmes máis celebrados e un encontro A cor das palabras organizado co Concello de Santiago.
