Do 23 ao 25 de novembro acollemos a segunda edición do ciclo Blow Up. A música no cinema, organizado coa Reixa Tenda e incluído na programación do Outono Códax Festival. Proxectaremos un clásico de Coppola ―One from the Heart (Corazonada)―, e sendos documentais sobre Little Richard e os xigantes da bossa nova Elis & Tom. Entradas xa á venda con tarifas reducidas.
Comeza a conta atrás para unha celebración moi especial para nós! Este sábado 11 de novembro de 2023, a librería NUMAX ofrecerá un desconto do 5% en todas as compras de libros tanto en tenda como na web para conmemorar o Día das Librerías. Lembrade, nas librarías hay vida!
A Libraría NUMAX acollerá o xoves 16 de novembro ás 20:30h a presentación do libro de Christo Casas, «Maricas malas. Construir un futuro colectivo desde la disidencia», editado por Paidós. No evento estará acompañado polo biólogo, antropólogo e responsable da organización AvanteLGBT+, Xandre Garrido. A entrada é libre ata completar aforo.
A Libraría NUMAX acollerá o mércores 15 novembro ás 20:30h a presentación do ensaio «Wasteoceno. La era de los residuos» de Marco Armiero editada por Catarata. No acto o autor estará acompañado de Roi Cuba Dorado, presidente da asociación Adega. Coloquio moderado por Bibiana Martínez. A entrada é libre ata completar aforo.
Do 10 ao 21 de novembro a programación de NUMAX estará dedicada ao 37º Festival Cineuropa, acollendo algunhas das liñas de programación máis suxestivas do certame. Durante este tempo manteremos os pases matinais das últimas estreas da sala.
O sábado 4 de novembro ás 19:00h recibimos a visita de Tito Montero e Ramón Lluis Bande, dous cineastas que empregan o cinema para afondar na memoria histórica e política de Asturies. Montero presentará a longametraxe Hilos e Bande, un habitual da casa, a curta Contracampos.
