O artista Andrés Magán presenta El buen ciudadano, cómic editado por Apa Apa. este xoves 21 de marzo ás 20h00 na Libraría NUMAX acompañado polo fanzineiro Juan Esturao. A entrada é libre ata completar aforo.
Aquí tedes o novo ciclo que, en colaboración coa distribuidora Lost&Found Films, vai ocupar a nosa sección de Repertorio nas vindeiras semanas, para a que collemos prestado o título do documental de Inés Toharia que é peza angular da retrospectiva: Cinema, rexistro vivo da nosa memoria. A primeira cita será este venres 15 de marzo.
Están de volta os encontros A cor das palabras que, por oitavo ano consecutivo, organizamos co Concello de Santiago. Para abrir a edición de 2024 temos o luxo de contar coa actriz galega María Vázquez que afondará nos segredos e metodoloxías do seu traballo na aula «En busca da personaxe perdida». Será o domingo 17 ás 11:30h con entrada gratuíta e reservas en [email protected].
A escritora Leticia Barbadillo estará na Libraría NUMAX o sábado 16 de marzo ás 19h00 da tarde para a actividade Contos con lentellas, unha proposta para cativada a partir de 7 anos en diante, arredor do libro «A botella de lentellas» (Xerais), premio Merlín de Literatura Infantil 2023. A entrada é libre ata completar aforo.
A ilustradora Roberta Vázquez presenta Casa Desastre, un libro cun universo moi particular que festexa o absurdo e a amizade, este xoves 7 de marzo ás 20h00 na Libraría NUMAX. Estará acompañada pola tamén ilustradora e DJ Teresa Ferreiro. A entrada é libre ata completar aforo.
Manolo González relata en O Benshi de Galicia. O arrebato cinematográfico de Rey Soto a insólita e descoñecida historia dun crego que foi tamén poeta, bibliófilo, bohemio, sedutor, visionario, sibarita e director de cine. A presentación terá lugar o martes 5 de marzo ás 20h00 da tarde coa presenza do autor acompañado de Alfonso Pato, xornalista e director do Festival de Cans, e Quique Alvarellos, editor de Alvarellos.
