A Libraría NUMAX acolle a presentación de Mis agendas semanales (Apa Apa Cómics) de Pepa Prieto o venres 10 de maio ás 20h30. A autora estará acompañada polo xornalista Anxo F. Couceiro. A entrada é libre ata completar aforo.
A Libraría NUMAX acolle a presentación de Tu existe (La uÑa RoTa) de Luz Pichel o mércores 8 de maio ás 19h30. A autora estará acompañada da poeta Branca Novoneyra, o editor Carlos Rod, a fotógrafa Ximena Garrigues e o director artístico Mateo Feijoo. A entrada é libre ata completar aforo.
Arranca en NUMAX un Foco dedicado ao cineasta catalán Pere Portabella, unha figura decisiva do cinema independente de quen proxectaremos obras realizadas na súa dobre faceta como director e produtor. O ciclo conta coa colaboración de Films 59, produtora dirixida polo propio cineasta.
A Libraría NUMAX participará na Feira do Libro de Santiago desde o xoves 2 ao domingo 5 de maio. Poderedes atoparnos na caseta número 11, no paseo central da Alameda e beneficiarvos do 10% de desconto en todos os libros.
O sábado 4 de maio ás 12:00h recibiremos a visita de José Luis Guerin que ofrecerá un encontro A cor das palabras sobre a restauración de Tren de sombras. O encontro está organizado polo Concello de Santiago en colaboración con NUMAX, a Filmoteca de Galicia, a SEMINCI e Lost&Found. Reservas en [email protected].
A escritora Andrea Fernández Plata presenta Jarroa acompañada pola poeta Antía Otero o venres 26 de abril ás 19h00 na libraría NUMAX. A entrada é libre ata completar aforo.
