A Libraría NUMAX acolle o martes 10 de setembro ás 20h00 a presentación do poemario «Prefiro condenarme» (Chan da Pólvora) de Margarita Ledo Andión. A autora estará acompañada do editor Antón Lopo e do ilustrador Luis Moscardó. A entrada é libre ata completar aforo.
O cuarto encontro do ano no ciclo A cor das palabras, organizado polo Concello de Santiago, terá un convidado de excepción coa visita de Jonás Trueba poucos días despois da estrea do seu novo filme: Volveréis. O director madrileño ofrecerá un encontro baixo o título «Seguimos a ser principiantes» o sábado 7 de setembro ás 12:00h. A actividade é gratuíta até completar aforo e xa se pode reservar praza no correo [email protected].
PRAZAS ESGOTADAS. Está de salvaxe regreso o Club de Lectura organizado entre a Libraría NUMAX e a editorial Irmás Cartoné. Neste segundo bloque temático de 2024, coordinado por Carlos Valdés e Celia Recarey, as lecturas centraránse na temática "Humanos e outras bestas". A actividade conta co apoio do Concello de Santiago de Compostela.
Por segundo ano consecutivo o treito final da rúa Concepción Arenal vaise converter nunha sala de cinema ao aire libre na que imos proxectar dúas obras mestras de Jacques Tourneur e Douglas Sirk. A proxección, gratuíta até completar aforo, enmárcarse no Festival C, organizado polo Concello de Santiago e a Deputación da Coruña.
Co inicio do curso volven os Focos dedicados a grandes cineastas da Historia do Cinema. Do 3 ao 17 de setembro recuperamos 4 obras esenciais de Leopold Lindtberg, cineasta austríaco afincado en Suíza que nos anos 40 e 50 realizou emocionantes dramas humanistas no contexto da II Guerra Mundial. O programa do ciclo, que inclúe presentacións e coloquios, está organizado en colaboración con Lost&Found Films. Entradas xa á venda para todos os pases do ciclo!
A Libraría NUMAX acolle a presentación do poemario O corpo é umha promessa (Rodolfo e Priscila) de Lucia Cernadas o vindeiro martes 23 de xullo ás 19h00. A autoa estará acompañada polas escritoras Arancha Nogueira e Berta Dávila. A entrada é libre ata completar aforo.
