De Corpos Presentes celebra o seu lanzamento e presenta os seus dous primeiros títulos na Libraría NUMAX. Sabela Mendoza, responsable da editorial, falará deste novo proxecto e manterá unha conversa o venres 4 de outubro ás 19:00 da tarde coas autoras Ania González, quen asina ani(a)mal. una otra poética por venir e Javier Martín, que presenta materia resonante.
Coa chegada do novo curso universitario recuperamos tamén o programa Os ollos verdes que permite ao estudantado da USC anotado no ciclo acadar 1 crédito ECTS. Comezamos con Albergando a nada, aposta de cinema radical do taiwanés Tsai Ming-liang, e Kneecap, reivindicación do gaélico irlandés a través da música urbana.
Do 24 de setembro ao 8 de outubro recuperamos a obra de Robert Bresson nun pequeno foco que inclúe as memorables Pickpocket, O proceso de Xoana de Arco e O diñeiro. O ciclo conta coa colaboración da distribuidora Avalon.
O xoves 26 de setembro ás 18:30h NUMAX acolle un taller que inclúe a proxección de dous filmes sobre a memoria colonial en Filipinas e un coloquio posterior co público da sala. A sesión será filmada e empregada como material de estudo e divulgación por parte da investigadora Anna de Guia-Eriksson, promotora da actividade. A entrada é gratuíta até completar aforo, con reserva de praza no correo [email protected].
O simposio O libro e a lectura organizado pola Asociación Galega de Editoras celebrará na mañá do mércores 18 de setembro na Biblioteca do Consello da Cultura Galega (Santiago de Compostela) un encontro de análise e diagnose do libro galego nas librarías de Galicia, e que contará con representación da Federación de Librarías de Galicia, de Euskadi e de Catalunya.
A escritora e xornalista Anna Pacheco e o poeta Ismael Ramos estarán o venres 20 de setembro ás 20:00 na Libraría NUMAX para celebrar un encontro literario enmarcado dentro do programa Afinidades Electivas. A actividade está promovida pola Dirección Xeral do Libro, do Cómic e da Lectura do Ministerio de Cultura e Deporte.
