(Foto: Hélène Degrandcourt)
Temos unha gran noticia que contarvos. O vindeiro domingo 14 de abril ás 18:00h celebramos preestrea exclusiva dunha das películas máis importantes do ano: A quimera, de Alice Rohrwacher. En NUMAX teremos o luxo de contar coa presenza da directora de fotografía Hélène Louvart, que ofrecerá presentación e coloquio do filme.
Hugo Clemente estará na Libraría NUMAX para presentar Doc Caribbean. Memoria viva del monopatín (Colectivo Bruxista) o vindeiro mércores 17 de abril ás 19h00. Na presentación estará acompañado polo protagonista do libro, o skater Doc Caribbean. A entrada é libre ata completar aforo.
María Sanchéz estará na Libraría NUMAX o próximo venres 12 de abril ás 19h00 para presentar o poemario Fuego la sed editado pola La Bella Varsovia. Na presentación a autora estará acompañada pola cantante Faia Díaz. A entrada é libre ata completar aforo.
Fernando González Gándara presenta o ensaio, Verdade e acción. A certeza pragmática, editado por Euseino? Na actividade, que terá lugar o mércores 10 de abril ás 19h30 da tarde, o autor estará acompañado da filósofa Uxía Rivas, da actriz Sabela Hermida e do presidente da Fundación Euseino? Carlos Lema. A entrada é libre ata completar aforo.
Beatriz Busto e Encarna Otero inaugurarán a nova actividade de NUMAX, «A aldea desmedida», o vindeiro xoves 11 de abril ás 20:30h, cunha conversa sobre «A cidade lembrada: voces na construción da memoria urbana». Esta actividade está comisariada por Maos Innovación Social e subvencionada pola Deputación da Coruña.
NUMAX propón para este 2024 «A aldea desmedida», unha actividade que se desenvolve a través de catro encontros, nos que conversar sobre Santiago de Compostela, vendo exemplos de (re)construción da memoria e estereotipos sobre a mesma, así como dando pistas de posíbeis futuros. Esta actividade está comisariada por Maos Innovación Social e subvencionada pola Deputación da Coruña.
