No ciclo A cor das palabras que organizamos co Concello de Santiago afondaremos na crítica de cinema con Lucía Salas e Martín Álvarez responsables en España da revista arxentina La vida útil. Será o domingo 28 de novembro ás 11:30 horas con entrada gratuíta até completar aforo.
O próximo xoves 18 de novembro a Libraría NUMAX acolle a presentación do libro Horas tangentes (Ediciones La Discreta) do escritor e poeta catalán Miquel-Lluís Muntané. No acto, que terá lugar ás 19:30h da tarde, o autor estará acompañado do docente Fernando Romo e do seu editor Santiago A. López Navia.
O próximo luns 15 de novembro pechamos o ciclo «Futuros. Conversas arredor de outros mundos posibles» acollendo a presentación de Hijas del futuro (Consonni) coa escritora e editora Lola Robles. No acto, que terá lugar ás 20:00h no espazo da Libraría NUMAX, Robles estará acompañada da escritora Conchi Regueiro.
O xornalista e escritor Xesús Fraga visitará a Libraría NUMAX para presentar e firmar exemplares do seu último libro Virtudes (e misterios) (Galaxia, 2020), galardoado o pasado mes de outubro co Premio Nacional de Narrativa 2021. No acto, que terá lugar o próximo mércores 10 de novembro ás 20:00h, o autor estará acompañado da escritora Marilar Aleixandre.
Do 1 de novembro ao 31 de decembro de 2021 podes mercar as túas entradas do Cinema ou os produtos da Libraría cun 50% de desconto grazas ao Bono Cultura da Xunta de Galicia e o Xacobeo 21-22.
O luns 25 de outubro ás 20:45 celebramos o Día de Lorca en Galicia coa proxección do noticieiro La Barraca de Lorca, xira por Galicia (1932). O acto contará coa participación do editor Henrique Alvarellos e o fotohistoriador Carlos Castelao. O evento está apoiado pola Concellaría de Acción Cultural representada no acto pola concelleira Mercedes Rosón.
