Do 1 de febreiro ao 19 de abril a gran protagonista dos martes de NUMAX será Agnès Varda, a última rebelda da Nouvelle Vague, cineasta observadora, combativa, feminista, da que descubriremos algunhas das súas alfaias menos coñecidas. Arrancamos o martes 1 de febreiro coa súa opera prima, La Pointe Courte.
Continúa a chegar á nosa pantalla o máis talentoso cinema galego contemporáneo. Marcos Nine presenta o sábado 22 ás 19:30 A virxe roxa na que recupera a incrible historia de Aurora Rodríguez Carballeira e a súa filla Hildegart. O filme terá pases diarios desde o venres 21.
Continuamos a percorrer, en estupendas copias restauradas, os movementos máis importantes da historia do cinema. Os últimos martes de xaneiro a maio achegarémonos ás orixes da Nouvelle Vague francesa, con obras de Jean-Luc Godard, Agnès Varda, Chris Marker, Jacques Rivette e moitos máis. A segunda cita co ciclo, o martes 22 de febreiro cunha selección de curtametraxes.
O vindeiro xoves 27 de xaneiro ás 20:30 acollemos na Libraría NUMAX a presentación do libro «Mutaciones en el espacio público» (Ed. Bartlebooth, 2021), coa presenza dun dos seus coordinardores, Fran Quiroga, acompañado do artista e arquitecto Jacobo Bugarín.
O próximo xoves 17 de febreiro ás 20.30h a Libraría acollerá a presentación do ensaio «Pantallas de lo maravilloso» do investigador compostelán Luis. E. Froiz Casal editado por Shangrila. O autor estará acompañado no acto polo cineasta Javi Camino, o docente e historiador José Luis Castro de Paz e o xornalista Iván Cuevas.
A Libraría NUMAX acolle a súa primeira presentación do ano este xoves 13 de xaneiro. Nesta ocasión, teremos con nós á poeta alicantina María Ovelar co seu poemario «Las Oceánicas», editado por Valparaíso Ediciones. Na presentación, que terá lugar ás 20:30h da tarde, a poeta estará acompañada pola profesora e escritora Marga do Val. Foto: Jacobo Biarnes.
