A escritora Berta Dávila visitaranos o próximo xoves 28 de abril ás 20:30 da tarde presentar a súa última novela Os seres queridos, premio Xerais de novela 2021. A autora compostelá estará acompañada polo xornalista Daniel Salgado e o editor Fran Alonso. A entrada é libre ata completar aforo.
Este sábado 23 de abril sumámonos á celebración do Día do Libro cun fito importante: o lanzamento do noso blog de Libraría. Ademais, todas as persoas que se acheguen á NUMAX contarán con un desconto especial dun 10% durante todo o día tanto nas súas compras tanto en tenda como a través da nosa web.
A Libraría NUMAX acolle o venres 22 de abril ás 20:30h da tarde a presentación do libro «Corona* e a inxunción das n articulacións (libres)» co seu autor Claudio Pato acompañado do filófoso e escritor Delmiro Rocha, da crítica literaria Ana Salgado e dun dos editores de Saurobuks, Alfonso Rodríguez.
Xa están aquí as vacacións de Semana Santa e en NUMAX non nos esquecemos das petís da casa, con dúas estupendas estreas sobre o valor da compañeirismo e a necesidade de coidar a quen máis queremos: Superverme e Zog e os doutores voadores.
O mes de abril chega cargado de novidades no ciclo Os ollos verdes, con catro grandes citas que servirán para nos interrogar sobre cuestións clave da nosa historia e presente. Asistindo ás sesións podes acadar 1 crédito ECTS da USC así que non esquezas solicitar e selar a túa tarxeta do ciclo!
A Libraría NUMAX acolle o venres 1 de abril ás 19:30h da tarde a presentación de «Antese» de Arancha Nogueira, poemario editado por Galaxia e que obtivo o Premio Victoriano Taibo 2021. Nesta actividade a autora estará acompañada por Lorena Souto, poeta e crítica literaria e Alberto S. Lozano, xornalista e crítico cultural.
