A nosa cita dos martes co cinema de repertorio terá como protagonista, nos meses de maio e xuño, a un dos maiores creadores do cinema moderno, o iraniano Abbas Kiarostami. A primeira sesión será o martes 10 de maio cunha escolma de curtametraxes presentadas por Iván Cuevas, do Cineclube de Compostela.
A Libraría NUMAX participará na Feira do Libro de Santiago desde este domingo 1 ata o próximo 8 de maio. Poderedes atoparnos na caseta número 2, no paseo central da Alameda e beneficiarvos do 10% de desconto en todos os libros.
Acompañado polo editor Gonzalo E. Veloso, o artista Rosendo Cid estará o xoves 12 de maio ás 20:30 na Libraría NUMAX para presentar o seu último libro Poemario geométrico publicado por Estraperlo Editora.
A docente e escritora Teresa Moure presentará o próximo martes 10 de maio ás 20:30 o seu ensaio Linguística escreve-se com A, publicado por Através Editora. A autora estará acompañada pola xornalista e poeta Ana Romaní. A entrada é libre ata completar aforo.
Volven os encontros A cor das palabras do Concello de Santiago a NUMAX. A primeira cita da tempada terá lugar o domingo 8 de maio ás 11:30 coa visita de Ana Pfaff, unha das montadoras de maior prestixio do cinema de autor español que afondará no traballo de edición de Alcarràs, de Carla Simón.
Con motivo do Día Internacional da Danza a Libraría NUMAX acollerá a charla "Bailarinas antifascistas" na que participarán a escritora e bailarina Branca Novoneyra xunto á Oriana Méndez. A actividade terá lugar este venres 29 de abril ás 20:30h, nun acto no que se presentará tamén o terceiro número de Espiral. Revista independentista de pensamento marxista.
