Seguimos a celebrar encontros con novos creadores do cinema galego contemporáneo. O xoves 2 de xuño ás 20:00 o xornalista e cineasta Carlos Prado Pampín ofrecerá presentación e coloquio de Devolvendo o golpe, documental sobre a historial real de superación do boxeador galego Aarón « The Thunder».
Arrinca a actividade «É un falar» coa conversa que xuntará na Libraría NUMAX á poeta Nuria Vil e ao poeta e axitador asturiano Pablo X. Suárez. Este primeiro acto titulase «Lingua aberta» e nel ambas falarán arredor da relación entre a súa poesía e a oralidade no presente. A cita será o sábado 11 de xuño ás 12:30h nunha actividade apoiada pola Deputación da Coruña.
O punto de partida da actividade “É un falar" son as relacións que existen entre a fala e a escrita. Este ciclo de conversas traerá á Libraría NUMAX, de xuño a novemebro de 2022, a catro parellas de autoras galegas e doutras partes do Estado español para pensar e dialogar sobre libros ou formas de narrar que nacen, dun xeito ou outro, da oralidade. Esta actividade conta co apoio da Deputación da Coruña e coa colaboración do Instituto da Lingua Galega (ILG).
O cuarto volume da serie Para unha historia do cinema en lingua galega coordinado desta volta polo docente Xosé Nogueira, «Lume na periferia», presentarase o próximo xoves 2 de xuño ás 20.30h da tarde. No encontro participarán o propio Nogueira, xunto a Margarita Ledo e Julio Vilariño.
O escritor Marcos Obregón visitará a Libraria NUMAX o próximo mércores 25 de maio ás 19:30 da tarde para presentar o seu ensaio «Contra el diagnóstico» publicado pola Editorial Rosamerón. O autor estará acompañado da psicóloga clínica con diagnóstico psiquiátrico, Alejandra Boullón, e o psicólogo clínico do Sergas, José Berdullas.
O vindeiro venres 20 de maio ás 20.30 temos unha cita coa profesora Dores Pereira e a ilustradora e editora Paula Lago para presentar «Herbas da noite». Nai e filla únense para realizar esta pequena guía ilustrada que recolle os usos populares e propiedades das herbas que se apañan na véspera do día de San Xoán e que autopublicaron grazas a unha campaña de micromecenazgo.
