O 25 de marzo estreamos Belle, de Mamoru Hosoda, un dos grandes anime da tempada. Grazas á colaboración de Sherlock Films, se reservas a túa entrada anticipada até o domingo 13 conseguirás un cartaz oficial do filme. Sen sorteos.

Ver máis

Estamos moi felices de poder presentar e compartir o proxecto Videogramas, unha iniciativa do Cinema NUMAX para a creación de oito pezas curtas arredor da nosa cidade e a súa proxección na sala de cinema. Un proxecto desenvolvido ao abeiro do Fondo X21 da Xunta de Galicia. A primeira cita con Videogramas será este venres 4 de marzo coa peza «Mellor o libro» realizada por Eloy Domínguez Serén que poderá verse acompañando ao filme Un heroe, de Asghar Farhadi. 

Ver máis

A Libraría NUMAX pon en marcha xunto á editorial Irmás Cartoné un clube de lectura que terá como primeiro bloque temático a ciencia ficción escrita por mulleres. A primeira sesión será aberta ao público, de carácter informativo e terá lugar o martes 1 de marzo ás 20:30h. Nela os editores Carlos Valdés e Celia Recarey presentarán a actividade a quen se queira achegar á libraría. O clube será de inscrición gratuíta e para un grupo de dez persoas. A actividade conta co apoio do Concello de Santiago de Compostela.

Ver máis

A Libraría NUMAX acollerá o sábado 19 de febreiro a firma de libros e a presentación da novela de Cristina Sánchez-Andrade, «La nostalgia de la mujer anfibio», editada por Anagrama. Nesta ocasión a presentación terá un novo formato. Faranse dúas quendas, a primeira ás 19:30 e a segunda ás 20:20, nas que a autora estará acompañada pola escritora Inma López Silva. Imaxe © Carlos Porras.

Ver máis

A Libraría NUMAX acolle a presentación da novela «Pazo de inverno» de Alberto Lema, premiada co García Barros 2021 e editada por Galaxia. Na presentación, que terá lugar o xoves 10 de febreiro ás 19.30h da tarde, o autor estará acompañado da crítica literaria Ana Salgado, o editor Carlos Lema e a escritora e bailarina Branca Novoneyra.

Ver máis

A Libraría NUMAX acollerá o próximo xoves 3 de febreiro ás 20:30 a presentación do segundo número dos Cadernos FICBUEU, titulado «O National Film Board of Canada e a súa 'idade dourada' da curtametraxe (1965-1983)», coa presenza do seu autor, Severiano Casalderrey.

Ver máis