PRAZAS COMPLETAS! A sala de cinema de NUMAX acollerá o encontro con Alejandro Zambra. Na súa visita, que terá lugar o xoves 27 de marzo ás 18h00, o escritor estará acompañado polo poeta e escritor Ismael Ramos. O aforo está completo, para entrar en lista de agarda escribe a [email protected] indicando nome, apelidos e número de teléfono.
Mañá martes 11 de marzo ás 19:25h celebramos a nosa primeira colaboración co Cineclube Mazarelos proxectando Raparigas de uniforme dentro do ciclo "Cinema LGBTQ+ e censura". A sesión contará con presentación e coloquio coordinados por membros da asociación.
A Libraría NUMAX acolle a presentación de De fuego cercada. Geografía secreta de Madrid (Alianza) de Servando Rocha o venres 28 de marzo ás 19:00h. O autor estará acompañado por Marcos Flórez. A entrada é libre ata completar aforo.
Marcos Dopico, Cibrán Rico e Suso Vázquez presentarán A Galicia deseñada (Fabulatorio) o vindeiro xoves 27 de marzo ás 20:00h na Libraría NUMAX. Na presentación estarán acompañados das deseñadoras Zeltia Iglesias e X. Carlos Hidalgo. A entrada é libre ata completar aforo.
A Libraría NUMAX acolle a presentación de El hielo de los suyos (Tránsito) de Montse Sánchez Alonso o vindeiro mércores 26 de marzo ás 19:00h. A autora estará acompañada da escritora Lara Dopazo. A entrada é libre ata completar aforo.
Un ano máis no Cinema NUMAX estamos moi felices de sermos unha das sedes da Mostra Internacional de Cinema Etnográfico que neste 2025 cumpre o seu 20º aniversario. A presente edición terá sesións en NUMAX do 13 ao 15 de marzo pertencentes á programación Impropias que está dedicada á documentalista letoa Laila Pakalnina. As entradas son gratuítas até completar aforo e xa podes reservar praza na nosa web ou billeteira cun máximo de 2 entradas por persoa.
