PRAZAS COMPLETAS. Volve o Club de Lectura organizado entre a Libraría NUMAX e a editorial Irmás Cartoné. Neste primeiro bloque temático de 2024, coordinado por Carlos Valdés e Celia Recarey, as lecturas centraránse en obras literarias poscoloniais. A actividade conta co apoio do Concello de Santiago de Compostela.
O ciclo Os ollos verdes, que inclúe as estreas máis arriscadas e anovadoras do panorama internacional, viaxa ao cinema arxentino coa visita de Nicolás Zukerfeld e Malena Solarz. A parella de cineastas porteños presentará o luns 22 e martes 23 de xaneiro dúas sesións conducidas polo cineasta galego Ángel Santos.
Ao remate de cada ano gústanos lembrar os principais eventos e encontros que tiveron lugar en NUMAX dos que vós sodes parte imprescindible. 2023 foi un ano cheo de momentos para o recordo, incluída unha festa de aniversario, proxeccións ao aire libre, presentacións, coloquios e moito máis. Velaquí tedes unha pequena viaxe polos últimos 365 días na vida da cooperativa NUMAX.
A Libraría NUMAX acollerá o venres 19 de xaneiro ás 20:00h a presentación da novela gráfica El Cuerpo de Cristo de Bea Lema, editado por Astiberri. No evento, a autora estará acompañada pola ilustradora e dj Teresa Ferreiro. A entrada é libre ata completar aforo.
A Libraría NUMAX acollerá o mércores 17 de xaneiro ás 20:00h a presentación da banda deseñada «Sentinelas da lúa carmesí» de Andrés Castro, Ozo Perozo e Alexandre Senande, editado por Galaxia. Na actividade, os autores estarán acompañados pola xornalista Montse Dopico. A entrada é libre ata completar aforo.
Un ano máis compartimos as listaxes co mellor de 2023 para as traballadoras de NUMAX. Como novidade, este ano ademais de escoller os mellores filmes estreados, engadimos a posibilidade de elixir os nosos libros preferidos do ano que vén de rematar. Como veredes o noso querido Aki Kaurismäki atópase no máis alto da lista, seguido de Retratos fantasma e Anatomía dunha caída.
