A Libraría NUMAX acollerá o próximo xoves 11 de xaneiro ás 20:00h a presentación de De la moral terrestre entre las nubes, unha antoloxía de artigos breves editada por Pepitas de Calabaza, do escritor e ensaísta Santiago Alba Rico. Na actividade, o autor estará acompañado polo investigador e docente Germán Labrador. A entrada é libre ata completar aforo.
Rematan as aulas, chega o Nadal e en NUMAX non nos esquecemos das petís da casa, cunha programación especial que inclúe un clásico xeracional -Gremlins-, unha obra mestra da comedia silente -O home mosca- e a estrea máis agardada destas datas -Migración. Unha viaxe patas arriba-. Comezamos!
O vindeiro mércores 20 de decembro terá lugar a estrea oficial en salas da agardadísima terceira longametraxe de Lois Patiño: Samsara. Dous días despois, o venres 22 ás 19:00h, en NUMAX celebraremos un evento moi especial con presentación e coloquio do cineasta vigués. O evento conta coa colaboración de Atalante Cinema e as entradas xa están á venda.
En NUMAX temos a honra de ser sede itinerante de «CO- Festival Internacional de Cinema Cooperativo», unha iniciativa do Zumzeig Cinema que premia obras realizadas desde unha metodoloxía colaborativa. O xoves 14 ás 19:50 proxectaremos as obras gañadoras da primeira edición con coloquio a cargo de Carla Blanco, unha das súas coordinadoras, e do Laboratorio Reversible.
Os martes de NUMAX, do 12 de decembro ao 5 de marzo, pertencen ao cinema de Yasujiro Ozu de quen proxectaremos nove obras mestras en copia restaurada. A viaxe polo inimitable universo do cineasta nipón arrancou co seu primeiro filme de posguerra, Historia dun vecindario, e finaliza o 5 de marzo coa súa última obra, a sublime O sabor do sake.
A Libraría NUMAX acollerá o venres 1 de decembro ás 20:00h a presentación da baralla artísitica O gaiteiro petroleiro. No evento participarán o investigador e comisario Germán Labrador, presidente da asociación Unha Gran Burla Negra, Daniel López Abel, as ilustradoras Sandra Lodi, Lúa Gándara e Tristán Ron; ademais de X. Carlos Hidalgo, socio traballador da cooperativa NUMAX e deseñador da baralla. A entrada é libre ata completar aforo.
