Para a celebración do 11º Aniversario da cooperativa NUMAX convidamos a cineasta Elena Duque a programar e presentar unha sesión de curtametraxes dirixida a todas as idades que leva por título "Sharazan" e cuxa temática común será o mar.

Un grupo de nenos sobrevive como pode no Xapón da posguerra. Cando se encontran cun soldado expatriado que vaga polo país, deciden unirse a el, co obxectivo de chegar a unha escola especial para orfos do conflito.

O 27 de maio sumámonos ao evento internacional "Sembrando a Raymundo" que recorda o cineasta Raymundo Gleyzer no 50 aniversario da súa desaparición a mans da ditadura militar. A sesión inclúe a proxección de dos dos seus documentais máis recordados: "Me matan si no trabajo y si trabajo me matan" e "México, la revolución congelada"

Galegos e galegas empurrados pola fame a Bos Aires. Os avós xa non existen, pero quedan xeracións de netos que tentan facer o camiño á inversa. A partir de fotografías familiares, recordos e memoria histórica, agroma unha reflexión sobre a emigración e os lazos que atan continentes. A proxección de “Bs. As.”, da que se cumpre neste 2026 o seu 20º aniversario, contará con presentación e coloquio de Alberte Pagán.

Cris, unha corredora de elite, sofre un brote psicótico que a obriga a afastarse da alta competición. Non todos ao seu carón poderán ou saberán como axudala pero Natalia, a súa irmá, será o seu refuxio para aceptar a súa condición e redefinir o seu ritmo de vida.

Dirixida, escrita, producida, fotografada e composta por Hong Sangsoo na súa faceta de home-orquestra do cinema, "Que che di esa natureza?" segue o mozo poeta Donghwa (Ha Seongguk), que visita por vez primeira a casa familiar da súa moza Junhee (Kang Soyi), descubrindo que é máis grande e luxosa do que pensaba.

Emma (Zendaya) e Charlie (Robert Pattinson) teñen unha relación idílica e están a piques de casar. Con todo, días antes da cerimonia, enfróntanse a unha crise cando unhas inesperadas revelacións desbaratan o que un deles cría saber sobre o outro. Isto converterá a súa relación nun auténtico drama.

Lauri é un neno de 12 anos que perde a capacidade de camiñar nun accidente. Por sorte, Fleak, unha útil criatura peluda doutra dimensión aparece e lévase Lauri a vivir unha aventura de fantasía.

Despois de que un incendio forestal arrasara a súa granxa, Dusty, un pai divorciado, vese obrigado a comezar de novo nun campamento de casas rodantes habilitado polo goberno. En medio da dor, encontra unha inesperada rede de apoio nos seus novos veciños, mentres tenta recompoñer os lazos rotos coa súa exmuller Ruby e a súa filla Callie-Rose.

Hai moito tempo, nunha afastadísima lameira, vivía un ogro chamada Shrek. De súpeto, un día, a súa soidade vese interrompida por unha invasión de sorprendentes personaxes. Hai ratiños cegos na súa comida, un feroz lobo na súa cama, tres porquiños sen fogar e outros seres deportados da súa terra polo malvado Lord Farquaad.

Benny é un rapaz de 14 anos de boa familia. Seus pais tentan compensar a falta de agarimo agasallándolle un estupendo equipo de vídeo. Obsesionado co uso do seu novo xoguete, grava como sacrifican un porco cunha pistola, escena que o incita a cometer un acto salvaxe.

Joseba Lekuona esculpe pezas para un mercado de arte exclusiva. Simeón Hidalgo, profesor xubilado, mantén a duras penas o museo Petrus.

Na Italia de posguerra e tras anos afastada dos escenarios, a lendaria actriz Eleonora Duse (Valeria Bruni Tedeschi) sente o impulso irrefrenable de volver ao teatro, o único lugar onde algunha vez verdadeiramente libre.

13 anos despois da estrea de "Los ilusos", a película que consagrou o talento do director Jonás Trueba regresa ás salas cunha nova versión que incorpora a cor orixinal da rodaxe, até o de agora inédita, e propón un diálogo entre ambos materiais.

Nun futuro non moi afastado, a humanidade está a piques de descubrir a verdade sobre a existencia de extraterrestres, un segredo que ficou oculto varias décadas. Mentres millóns de persoas se preparan para a revelación, a forma na que entendemos o universo empeza a mudar.

Viva fala de Nora, unha muller de corenta e poucos anos que acaba de superar unha enfermidade e que, tras esa experiencia, sente unha urxencia radical por vivir intensamente. Acostumada a esixirse ao máximo en todos os ámbitos da súa vida, Nora encóntrase dividida entre a orde e a seguridade da súa relación de toda a vida con Tom e a aparición inesperada de Max, un mozo que esperta nela unha nova pulsión de desexo e liberdade.

Unha pasarela divide Arxentina de Paraguai. Neste alborotado mercado fronteirizo, coñecín a Ángel, de 9 anos, e comecei a filmalo. Dez anos despois, estas imaxes revelan a súa transición da infancia á adolescencia.

Céline agarda o seu primeiro fillo. Pero non é ela quen está embarazada. En tres meses, a súa muller Nadia dará luz á súa filla. Baixo a mirada dos seus amigos, da súa nai e da lei, Céline busca o seu fogar e o seu sentido da lexitimidade, mentres loita contra un sistema que lle pon trabas para acadar o único que desexa, ser a nai da súa propia filla.

Stéphanie, axente de policía de Asuntos Internos, é asignada a un caso relacionado cun mozo gravemente ferido durante unha manifestación. O caso adquire aos poucos un cariz persoal ao descubrir que a vítima é da súa mesma vila ca ela o que transformará o dossier 137 en algo máis ca un simple caso.