Ernest Cole, fotógrafo sudafricano, foi o primeiro en expoñer ao mundo os horrores do Apartheid. A publicación do seu libro "House of Bondage" levouno a se exiliar a Nova York e Europa durante o resto da súa vida.
Almudena Grandes xa non está connosco. O desexo do filme é manter viva a súa memoria, celebrar a súa vida e a súa obra sen esquecer o doloroso baleiro que deixou a súa morte. Luis García Montero adéntrase neste baleiro e completa o retrato íntimo dunha escritora que soubo como poucas contarnos a nosa vida.
Manuel e a súa parella Sofía recrean momentos da súa convivencia xogando a actuar de si mesmos.
Anabel ten 18 anos, vive coa súa nai, unha taxista chilena emigrada ao barrio de Collblanc hai vinte anos, e estuda comunicación audiovisual en Barcelona. Pero o seu futuro está a piques de mudar para sempre. A inmobiliaria do piso de aluguer no que viviron sempre infórmaos de que teñen que abandonar o edificio que foi adquirido por un fondo voitre.
Zsa-zsa Korda, un rico empresario europeo, vese envolto nunha enguedellada trama de espionaxe acompañado da súa filla Liesl, unha monxa coa que non ten unha boa relación. Xunto a un grupo de personaxes peculiares, ambos deben tomar decisións moralmente ambiguas.
A mecanización da industria azucareira ameaza con desprazar aos traballadores. Makenya, unha adolescente cun embarazo non desexados, acompaña ao seu avó caneiro nas protestas.
Un home (Sergi López) e o seu fillo (Bruno Núñez) chegan a unha rave perdida no medio das montañas do sur de Marrocos. Buscan a Mar, a súa filla e irmá, desaparecida hai meses nunha desas festas sen amencer. Reparten a súa foto unha e outra vez rodeados de música electrónica e un tipo de liberdade que descoñecen.
Reiko, viúva de guerra, ergueu das ruínas a pequena tenda da súa familia política. Mentres ela traballa sen descanso, o irmán do seu marido malgasta a súa vida bebendo e xogando. Agora a chegada dos supermercados ameaza o negocio
Sesión dedicada á recuperación de "El campo para el hombre", película clandestina gravada en 1973 en Galicia pola cineasta militante antifranquista Helena Lumbreras. Estará acompañada das curtametraxes "O mercado do trigo", de D. W. Griffith, e "Galicia - Finis Terrae" de Carlos Velo.
Totone, de 18 anos, pasa a meirande parte do tempo bebendo cervexas e de festa na rexión do Jura co seu grupo de amigos. Pero a realidade atrápao: ten que coidar da súa irmá de 7 anos e gañar a vida. Daquela proponse fabricar o mellor queixo Comté da rexión, o que o faría gañar a medalla de ouro no concurso agrícola e 30.000 euros.
Ao medrar nunha época represiva na que a sexualidade era un tema tabú, Ana, de 68 anos, Patricia, de 69 e Mayela, de 71, desenvolveron a súa concepción do que significa ser muller baseándose en normas tácitas e expectativas implícitas. Agora atrévense a falar delo abertamente.
Keiko acaba de quedar viúva e ten que valerse por si mesma. Encontra un emprego como anfitrioa nun local de Tokio, pero ademais de cubrir os seus propios gastos debe axudar economicamente o seu irmán enfermo e sen traballo.
A inicios dos anos 2000, en China, Qiaoqiao e Bin viven un amor apaixonado pero fráxil, cantando, bailando e gozando de todo o que a cidade de Datong lles pode ofrecer. Pero un día Bin decide probar sorte noutra provincia máis grande e marcha sen avisar nin deixar rastro. Tempo despois, Qiaoqiao decide emprender unha viaxe para tratar de localizalo.
Yumiko, unha moza casada, está embarazada por primeira vez. O seu marido Hiroshi, que traballa no Ministerio de Comercio e Industria, subiu de categoría e ten un novo destino en Washington. Porén, todo se vén abaixo cando Hiroshi morre atropelado nun accidente de tráfico.
Suzanne é unha moza de dezaseis anos cunha vida sexual moi activa pero sen interese polas relacións románticas. Na súa casa, a situación é tensa: seu pai abandonounos, súa nai ten tendencias neuróticas e seu irmán bate nela.
A acción directa é unha estratexia táctica de protesta que busca acadar un fin directamente e polos medios máis eficaces. 'Direct Action' é un retrato contemporáneo dunha das comunidades activistas militantes máis destacadas de Francia.
