13 anos despois da estrea de "Los ilusos", a película que consagrou o talento do director Jonás Trueba, regresa ás salas cunha nova versión que incorpora a cor orixinal da rodaxe, até o de agora inédita, e propón un diálogo entre ambos materiais.

Na Italia de posguerra e tras anos afastada dos escenarios, a lendaria actriz Eleonora Duse (Valeria Bruni Tedeschi) sente o impulso irrefrenable de volver ao teatro, o único lugar onde algunha vez verdadeiramente libre.

Hans é un froiteiro ambulante que vende a súa mercadoría polas rúas de Múnich. Ten unha nai dominante que sempre se mostrou insatisfeita con el e unha muller fría e cínica. A súa debilidade é tal que se deixa arrastrar pola violencia e o alcol.

Un grupo de nenos sobrevive como pode no Xapón da posguerra. Cando se encontran cun soldado expatriado que vaga polo país, deciden unirse a el, co obxectivo de chegar a unha escola especial para orfos do conflito.

Nun futuro non moi afastado, a humanidade está a piques de descubrir a verdade sobre a existencia de extraterrestres, un segredo que ficou oculto varias décadas. Mentres millóns de persoas se preparan para a revelación, a forma na que entendemos o universo empeza a mudar.

Stéphanie, axente de policía de Asuntos Internos, é asignada a un caso relacionado cun mozo gravemente ferido durante unha manifestación. O caso adquire aos poucos un cariz persoal ao descubrir que a vítima é da súa mesma vila ca ela o que transformará o dossier 137 en algo máis ca un simple caso.

Viva fala de Nora, unha muller de corenta e poucos anos que acaba de superar unha enfermidade e que, tras esa experiencia, sente unha urxencia radical por vivir intensamente. Acostumada a esixirse ao máximo en todos os ámbitos da súa vida, Nora encóntrase dividida entre a orde e a seguridade da súa relación de toda a vida con Tom e a aparición inesperada de Max, un mozo que esperta nela unha nova pulsión de desexo e liberdade.

Effi Briest é unha moza que casa cun home maior ca ela, o Barón von Instetten. Tras uns anos nos que a parella vive feliz, a amizade dela co Maior Crampas suporá un conflito ético que concluirá cun duelo entre o marido ofendido e o suposto amante.

Tras 15 anos en España como inmigrante, Thimbo visita a súa vila pesqueira senegalesa, onde sente nostalxia e desarraigo. Ademais, lida coa poderosa influencia que exerce sobre os mozos da aldea, que o ven como un exemplo a seguir e buscan emulalo cunha perigosísima viaxe en pateira.

Unha pasarela divide Arxentina de Paraguai. Neste alborotado mercado fronteirizo, coñecín a Ángel, de 9 anos, e comecei a filmalo. Dez anos despois, estas imaxes revelan a súa transición da infancia á adolescencia.

Obra pioneira do cinema queer que busca reconstruír a historia esquecida dunha actriz negra dos anos 30 coñecida como "a muller sandía".

Galegos e galegas empurrados pola fame a Bos Aires. Os avós xa non existen, pero quedan xeracións de netos que tentan facer o camiño á inversa. A partir de fotografías familiares, recordos e memoria histórica, agroma unha reflexión sobre a emigración e os lazos que atan continentes. A proxección de “Bs. As.”, da que se cumpre neste 2026 o seu 20º aniversario, contará con presentación e coloquio de Alberte Pagán.

Céline agarda o seu primeiro fillo. Pero non é ela quen está embarazada. En tres meses, a súa muller Nadia dará luz á súa filla. Baixo a mirada dos seus amigos, da súa nai e da lei, Céline busca o seu fogar e o seu sentido da lexitimidade, mentres loita contra un sistema que lle pon trabas para acadar o único que desexa, ser a nai da súa propia filla.

Iván namora de Hadoum, unha nova compañeira, no invernadoiro de Almería onde ambos traballan. Con todo, o seu anhelado ascenso laboral interferirá na súa relación, forzándoo a decidir que tipo de persoa quere ser.

Un obreiro dunha planta química asasina o fillo do seu xefe suicidándose a continuación. A súa viúva inicia unha odisea persoal na que terá que se enfrontar a manipulacións mediáticas e ideólogos políticos que buscan empregala para os seus propios fins, ignorando a única razón que a move: defender a dignidade á memoria do seu marido.

Magallanes é un navegante portugués que se rebela contra o poder do Rei, que non apoia os seus soños de descubrir o mundo a comezos do século XVI. Convence a Coroa española para que apoie a súa audaz expedición ás lendarias terras de Oriente. A viaxe é máis esgotadora do agardado, con fame e motíns que levan a tripulación ao límite das súas forzas.

Ano 2019. Na metrópole de Neo Tokio, unha urbe situada sobre as ruínas da vella cidade de Tokio, destruída hai anos por unha explosión a nivel mundial, vive Tetsuo. Despois de ter sufrido unha infancia difícil, é sometido como suxeito de probas a unha máquina destinada a desenvolver as capacidades psíquicas que se encontran dentro de cada un de nós.

No cumio da súa carreira, Lina, unha profesional da moda de 34 anos, déixase levar por un impulso repentino nunha entrega de premios en Suíza. De volta a Bos Aires non di nada do sucedido, algo nela muda: silencioso e invisible, desentraña sutilmente un pasado que cría ter deixado atrás.

Un día, o taxista Koji Usami recibe a encarga de levar a Sumire Takano, de 85 anos, desde Shibamata (Toquio) até un centro de maiores en Hayama. Sumire pídelle a Koji que dea algúns rodeos. Abríndose aos poucos a el, Sumire comeza a contarlle a historia do seu gran pasado.

Matilda Wormwood, unha nena moi curiosa e intelixente, descobre que ten poderes telequinésicos. Axiña chega á conclusión de que podería usalos para facer o ben, axudando aos que están en dificultades, pero tamén castigando a persoas crueis e perversas.

Logo dunha traxedia familiar, os irmáns Ella e Charlie emprenden con seu pai unha viaxe a través do país para coñecer un mundo novo. A medida que se desenvolve a súa aventura, Ella empeza a comprender que as cousas poden non ser o que parecen.

O lendario Odiseo loita por regresar a Ítaca tras a Guerra de Troia, enfrontándose a perigos épicos e criaturas míticas. Na súa longa viaxe, desafía deuses e supera obstáculos case imposibles. O seu maior desexo é reecontrarse coa súa amada Penélope e recuperar o seu fogar.

Kiki (ou Nicky na drobaxe en español) é unha moza bruxa de 13 anos, en período de adestramento, que se divirte voando na súa vasoira xunto a Jiji, un sabio gato negro.