Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

A nosa proposta para crianzas chámase Petís NUMAX, unha estupenda selección de filmes ideal para iniciar na sétima arte ás petís da casa.

Volve o noso ciclo Nocturama aos meses de verán de NUMAX! Co gallo da estrea no mes de agosto do documental My Name Is Alfred Hitchcock, de Mark Cousins, celebramos un amplo ciclo, que arranca no mes de xullo con catro obras mestres do xenio inglés e, xa en agosto, con cineastas que recolleron o seu legado: Lang, Clouzot, Truffaut, Chabrol, Powell, De Palma, Petzold.

No mes de regreso á longametraxe de Víctor Erice, coa estrea o 29 de setembro de Cerrar los ojos, recuperamos as dúas obras mestras que deron a coñecer o talento do cineasta vasco: El espíritu de la colmena e El sur.

Un ano máis en NUMAX estamos moi felices de ser unha das sedes do WOS Festival x Son Estrella Galicia coa programación e exhibición de dúas obras que pescudan na relación entre a imaxe e a música contemporánea.

Un ano máis en NUMAX estamos moi felices de sermos unha das sedes do Festival Internacional Curtocircuíto que neste 2023 cumpre 20 anos.

O mes de outubro dedicamos un Foco a un dos autores que máis fixeron avanzar a linguaxe do cinema: Orson Welles.