Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.

Os ollos verdes. O cinema inédito de NUMAX. Un ciclo que renovamos ano a ano e que reúne os títulos máis arriscados e anovadores da carteleira.

A nosa proposta para crianzas chámase Petís NUMAX, unha estupenda selección de filmes ideal para iniciar na sétima arte ás petís da casa.

Desde o 18 de novembro de 2025 sumámonos ao European Award Season, unha iniciativa de promoción do cinema continental que culminará o 17 de xaneiro de 2026 coa entrega dos Premios do Cinema Europeo.

Os días 7 e 8 de xaneiro de 2026 recibiremos a visita do cineasta palestino Mohamed Jabaly para nos presentar as súas dúas longametraxes dirixidas até a data: "Ambulance" e "Life is Beautiful".

No centenario do nacemento de Rafael Azcona, celebramos unha ampla retrospectiva en homenaxe e un dos maiores guionistas do cinema español.

Co gallo da estrea da nova creación de Jim Jarmusch, "Father, Mother, Sister, Brother", programamos un pequeno ciclo con títulos emblemáticos do cineasta de Ohio.