O xoves 16 de maio ás 20:00 a Libraría NUMAX acolle a presentación de A foresta e as árbores, publicado por Galaxia e o Grupo de Estudos Audiovisuais. O acto contará coa presenza da coordinadora do libro e catedrática en Comunicación Audiovisual, Margarita Ledo Andión e tamén das autoras e autores do volume: Marta Pérez Pereiro, María Soliña Barreiro, Antía López Gómez, Fernando Redondo Neira, José Luis Castro de Paz, Enrique Castelló Mayo, Xosé Nogueira Otero e Iván Villarmea Álvarez.

Ver máis

A reputada artista vallisoletana Dora García visítanos o domingo 12 de maio para ofrecer o encontro Como foi o desenvolvemento do proxecto Segunda Vez, 2014-2018, dentro do ciclo A cor das palabras organizado polo Concello de Santiago e NUMAX. Un día antes, sábado 11, a directora presentará na sala o seu último filme: Segunda vez. Reserva praza para o encontro escribindo a [email protected].

Ver máis

O sábado 27 de abril arranca Petis NUMAX, unha liña de programación para matinais de fin de semana especialmente dedicada a crianzas. A primeira cita será cun clásico da animación checa: As aventuras da toupiña.

Ver máis

Acompañado polo poeta Juan Bello, o artista Rosendo Cid estará o xoves 9 de maio ás 20:30 na Libraría NUMAX para falarnos do seu libro Los consejos no son un buen sitio para quedarse a vivir, editado por Papeles Mínimos.

Ver máis

FOTO: Denís Estévez

"Sexamos razoábeis e engadamos un oitavo día á semana dedicado exclusivamente a ler", dixo Lena Dunham. Non podemos estar máis de acordo con ela. Achégase o 23 de abril, Día do Libro, e para ese oitavo día queremos propoñervos unha serie de lecturas gorentosas coas que agasallar xente querida, empezando por vós!

Ver máis

Despois do Tac, Tac, Tac e do Fóra dos museos NUMAX coordina unha nova actividade que busca a inserción de investigacións e de procesos creativos dentro do seu espazo e coa vitrina instalada no espazo da libraría como punto de partida. Este ciclo comisariado por Ángel Calvo Ulloa busca o achegamento e o debate en relación a unhas prácticas que en ocasións ven debilitada a súa mensaxe como consecuencia dunha exposición entendida como un organismo inerte. O xoves 25 de abril ás 20:00 Calvo presentará o proxecto nun Episodio #0 xunto a Miguel Anxo Rodríguez, profesor de Historia da Arte na Universidade de Santiago de Compostela (USC).

Ver máis