A Libraría NUMAX celebra o venres 11 de novembro o Día das Librarías, un evento organizado por CEGAL no que participan miles de libreiros de toda España e que inclúe un desconto do 5% en vendas e un horario de apertura ampliado até as 22:00 horas.

Ver máis

A escritora Antía Otero visita a Libraría NUMAX o venres 18 de novembro ás 20:00 para presentar o seu último poemario, O cuarto das abellas. O acto contará coa participación da autora acompañada do editor Fran Alonso, de Xerais, a crítica literaria Ana Salgado, e Isaac Garabatos, que porá música ao peche da presentación.

Ver máis

Continúan as actividades didácticas da Aula «Os ollos verdes» de NUMAX con dous convidados de excepción. A directora portuguesa Salomé Lamas visitaranos o luns 21 de novembro namentres que o sábado 3 de decembro tocaralle a quenda ao cineasta catalán Albert Serra. Ambos aproveitarán a visita para presentar en sala cadanseus últimos filmes, Eldorado XXI e A morte de Luís XIV respectivamente.

Ver máis

O escritor catalán de orixe galega Miqui Otero visita a Libraría NUMAX para presentar o seu último libro, Rayos, que tras vender máis de 4.000 exemplares terá unha nova reimpresión. O acto terá lugar o xoves 3 de novembro ás 20:00 e contará coa presenza do xornalista Juan Tallón.

Ver máis

Logo dun intenso mes de outubro, a Aula «Os ollos verdes» do mes de novembro arranca coa visita de Abbas Fahdel. O cineasta iraquí presentará o seu monumental díptico Homeland (Irak Year Zero), e impartirá unha aula titulada Iraq, entre documental e ficción que terá lugar o martes 1 de novembro ás 18:30. A actividade é gratuíta mais podedes reservar praza escribindo a [email protected].

Imaxe: Marco Castro

Ver máis

Por segundo ano consecutivo o Cinema NUMAX será unha das sedes do Curtocircuíto Festival Internacional de Cine de Santiago de Compostela. Retrospectivas, cartas brancas, aulas de cinema, emisións radiofónicas e mesmo un filme sorpresa son algunhas das actividades que albergará o Cinema NUMAX do 3 ao 10 de outubro.

Ver máis