Julio Vilches presenta o xoves 28 de decembro ás 20:00 na Libraría NUMAX a súa persoal bitácora como fareiro da illa de Sálvora, publicada na editorial Hoja de Lata, que recolle o período que vai do ano 1980 ao 2000. A presentación estará acompañada da proxección da curtametraxe El farero de Sálvora, de Gloria Vilches.
Con motivo da presentación do libro Anna Turbau. Galicia, 1975-1979, editada polo Consello da Cultura Galega e que acompaña a exposición A intimidade da imaxe. Anna Turbau. Galicia 1975-1979, que se pode visitar no Colexio de Fonseca ata o 16 de xaneiro de 2018, celebramos un encontro con Anna Turbau. No acto, que terá lugar o martes 19 de decembro ás 20:30 na Libraría NUMAX, intervirán a coordinadora da publicación Natalia Poncela, a comisaria da exposición Margarita Ledo, e os responsábeis da gráfica de ambos proxectos, Antonio Doñate e X.Carlos Hidalgo, do Laboratorio NUMAX.
Bota a andar Vindecine. O tempo de Martín Códax a través do audiovisual, un ciclo promovido pola Consellería de Cultura e Educación da Xunta de Galicia que acompaña a exposición do Pergamiño Vindel no Museo do Mar de Galicia. O ciclo desenvolverase no Cinema NUMAX do 4 de decembro de 2017 ao 19 de febreiro de 2018 cun total de sete obras que nos trasladarán ao Medievo, o tempo do poeta Martín Códax.
NUMAX fai parte un ano máis da campaña #CompostelaEnNegro, con motivo do 25N, Día internacional contra a violencia de xénero. Enmarcada nesta campaña, o 23 de novembro ás 20:30 presentarase na Libraría NUMAX un traballo moi especial: o fotolibro Metauniversos cotidianos, de Loly Villoch.
Fotografía da Libraría NUMAX exposta en Pasa Página
A Libraría NUMAX atópase entre as nove librarías do Estado que foron seleccionadas para formar parte da exposición Pasa página. Una invitación a la lectura, da Biblioteca Nacional de España. A mostra componse dunha serie de capítulos que percorren distintos aspectos da lectura e o libro.
