Na Libraría NUMAX non paramos! Este venres 16 de marzo ás 20:00 recibimos a visita do guionista, xornalista e escritor Alfonso Castillo (A Pobra do Caramiñal, 1985) para nos presentar a súa primeira novela, Lo que sueñan los perros. No acto estará acompañado por Manuel Burraco Gaitán e Zacarías Lara da Editorial Barrett.
Acompañado de Fran Alonso, editor e escritor, o guionista e escritor Manuel Darriba presenta este xoves 15 ás 20:00 na Libraría NUMAX Elefante, unha nova incursión narrativa do escritor de Sarria.
“Fóra dos museos” traza un percorrido singular para que visitantes e público en xeral poidan, dunha banda, gozar de preto de seis pezas únicas provintes de museos e coleccións privadas, e doutra, reflexionar sobre o papel destas institucións en Galicia. Partindo dunha escolla de seis pezas que se irán exhibindo, a partir do 13 de marzo ás 20:00, durante oito meses, achegarémonos á súa orixe e problemáticas, e preguntarémonos que tipo de obxectos custodian.
Suso de Toro volve á narrativa con Fóra de si, novela que vén de publicar Xerais. Este venres 2 de marzo ás 20:00 preséntaa na Libraría NUMAX, acompañado do editor Manuel Bragado.
O xoves 22 de febreiro ás 20:00 recibiremos a visita do historiador do cinema e catedrático José Luis Castro de Paz para presentar Cine y exilio. Forma(s) de la ausencia, editado por Shangrila. No acto tamén participará o crítico e catedrático Santos Zunzunegui.
Francesc Marzo Bellot é un autor catalán con síndrome de Asperger. La lógica de delirio (ediciones Carena), o libro que presentará este venres 16 de febreiro ás 20:00 na Libraría NUMAX, componse de 51 reflexións breves e luminosas. Estará acompañado por Marisol García Penalta, presidenta de ASPERGA.
