No terceiro encontro do ano do ciclo A cor das palabras que organizamos co Concello de Santiago recibiremos a visita de Ricardo Matos Cabo, programador e investigador portugués experto na relación entre cinema documental e movementos sociais. Na súa aula afondará na obra de «Ogawa Productions e Sanrizuka: a loita contra a construción do aeroporto de Narita». Domingo 16 de xuño ás 11:30h.
A Libraría NUMAX acolle a presentación de En las manos, el paraíso quema (Anagrama) de Pol Guasch o vindeiro mércores 5 de xuño ás 19h00. O autor estará acompañado polas poetas Chus Pato e Jesús Castro Yáñez. A entrada é libre ata completar aforo.
A Libraría NUMAX acolle a presentación do libro WAR IS OVER (Medulia) de Pilar G. Rego o vindeiro martes 4 de xuño ás 19h00. A autora estará acompañada pola ilustradora Carme Ayala, o arqueólogo David Barreiro e contará coa compañía musical de Yolanda Porto e Cesar Parcero. A entrada é libre ata completar aforo.
O historiador e programador José Manuel Sande e a doutora e cineasta Margarita Ledo presentarán Impugnar las normas. Intervenciones sobre cine, arte y política (Galaxia Gutenberg) de Pere Portabella na Libraría NUMAX o vindeiro xoves 30 de maio ás 20h00. A entrada é libre ata completar aforo.
As filósofas María Vilas e Iria Murado estarán na Libraría NUMAX o vindeiro mércores 29 de maio ás 20h00 para presentar o libro Arquitectura sin naturaleza (Bartlebooth) de Timothy Morton. A entrada é libre ata completar aforo.
A Libraría NUMAX acolle a presentación do ensaio Metafísica de la pereza (Ned) de Juan Evaristo Valls Boix o venres 24 de maio ás 20h00 da tarde. O autor estará acompañado polo profesor e filósofo Delmiro Rocha. A entrada é libre ata completar aforo.
