O mellor cinema galego está de volta coa estrea de Sica, unha fermosa historia de iniciación gravada na Costa da Morte e interpretada por mozos e mozas da zona. No serán do domingo 21 teremos a sorte de contar coa autora do filme, Carla Subirana, para ofrecer presentación e coloquio. Entradas xa á venda en web e billeteira.
O martes 16 de maio, antesala do Día das Letras Galegas que neste ano 2023 homenaxea a Francisco Fernández del Riego, terás un 10% de desconto nas compras que fagas en NUMAX, tanto física como en liña. Achégate á Libraría para vivir unha xornada chea de actividades e para botarlle un ollo á nosa selección de recomendacións!
Cinco dos filmes máis salientables da tempada optan ao LUX Audience Award, un premio que outorga o público europeo aos filmes que mellor representan os retos e problemáticas da nosa sociedade. Para que poidas ver, puntuar e participar no premio nas vindeiras semanas imos proxectar catro dos filmes nomeados, comezando este xoves 18 con Alcarràs. Coa túa paticipación podes gañar unha viaxe ao Parlamento Europeo!
A primeira conversa da nova actividade de NUMAX, «Veladas analóxicas», terá lugar o xoves 11 de maio ás 20:30 da tarde e reunirá na Libraría NUMAX á poeta Xiana Arias coa cineasta e programadora Elena Duque para falar sobre «o engano». Esta actividade está comisariada pola poeta Alicia Fernández e subvencionada pola Deputación da Coruña. A entrada é libre ata completar aforo.
Para este ano 2023 a Libraría NUMAX presenta unha nova actividade «Veladas analóxicas», que quere recuperar a proximidade, o contacto persoal e poñer a palabra no centro. Estará composta por catro encontros que se sucederán de maio a outubro e nos que parciparán Elena Duque, Xiana Arias, Xuan Bello, Eduard Velasco, Marcelo Criminal, Jesús Castro Yáñez, Lara Dopazo e Ángel Carracedo. A actividade «Veladas analóxicas» está comisariada por Alicia Fernández e subvencionada pola Deputación da Coruña.
NUMAX vén de asinar un acordo de colaboración coa Fundación Euseino? para a creación dun arquivo nesta entidade. O fondo documental que se aportará, documentación fotográfica e videográfica das actividades culturais desenvolvidas en NUMAX, será depositado no Arquivo Euseino?, baixo o compromiso de conservación e custodia. No acto de sinatura, estivo presente Carlos Lema, presidente da Fundación Euseino?, Mariña de Toro Cuns, en representación de Numax, e Beatriz Fraga, vicepresidenta e cofundadora de Euseino?.
