Miguel Cavadas presentará himno nacional (Chan da Pólvora) o xoves 4 de setembro ás 19:00h na Libraría NUMAX. O autor estará acompañado por Vicente Vázquez e Alba María. A entrada é libre ata completar aforo.
No seu 25 aniversario, recuperamos un dos cumios da comedia negra española, La comunidad, e para recibila teremos o luxo de contar coa presenza en liña de Álex de la Iglesia, que ofrecerá un coloquio proxectado en 30 salas de todo o país, entre as que se atopa NUMAX. A cita é o xoves 21, con inicio da proxección ás 20:00h e comezo do coloquio en liña ao seu remate. Entradas xa á venda!
O escritor Amets Arzallus presenta Hermanito (Blackie Books) / Miñan (Rinoceronte Editora), libro escrito xunto con Ibrahima Balde, na Libraría NUMAX o venres 18 de xullo ás 19:00h. O evento está organizado pola Asociación Plataforma polo Emprego, no marco do Programa Compostela Convive, financiado pola UAMI - Concello de Santiago. A entrada é libre ata completar aforo.
O gran protagonista do verán de NUMAX vai ser Maurice Pialat, un dos outsiders clave do cinema post-Nouvelle Vague, de quen se cumpre neste 2025 o centenario do seu nacemento. O ciclo deu inicio o venres 4 de xullo e prolongarase até o sábado 13 de setembro.
A Libraría NUMAX acolle «Debuxar a memoria: narrativa gráfica e investigación social», unha conversa con Ana Penyas, Premio Nacional de Cómic 2018, o xoves 10 de xullo ás 19:00h. A ilustradora dialogará cos espcialistas en antropoloxía Íñigo Sánchez-Fuarros e Cristina Sánchez-Carretero. Esta actividade está dentro do ciclo «Charlas con xeito» do Incipit-CSIC. A entrada é libre ata completar aforo.
A nosa programación do mes de xullo inclúe un ciclo moi especial. Dentro da celebración do décimo aniversario da cooperativa, convidamos as 10 espectadoras e espectadores máis habituais de NUMAX a que programen e presenten cadanseu filme de cabeceira. O resultado é 10/10. As espectadoras presentan, un ciclo cheo de obras mestras de todas as épocas e estilos. Xa se poden reservar entradas para a primeira semana!
