A Libraría NUMAX acolle a presentación do libro Laberinto mar. Un viaje por la vida y la historia de nuestras costas (Alfaguara) de Noemí Sabugal o vindeiro martes 8 de outubro ás 19h00 coa autora acompañada de Berta Dávila. A entrada é libre ata completar aforo.
A investigadora Alba Díaz Geada estará na Libraría NUMAX o mércores 2 de outubro ás 19:00h para presentar o seu ensaio Uma história pequena da Galiza rural (1939-1982), editado por Através. A autora estará acompañada pola xornalista e poeta Charo Lópes e o narrador oral Celso F. Sanmartín. A entrada é libre ata completar aforo.
De Corpos Presentes celebra o seu lanzamento e presenta os seus dous primeiros títulos na Libraría NUMAX. Sabela Mendoza, responsable da editorial, falará deste novo proxecto e manterá unha conversa o venres 4 de outubro ás 19:00 da tarde coas autoras Ania González, quen asina ani(a)mal. una otra poética por venir e Javier Martín, que presenta materia resonante.
Coa chegada do novo curso universitario recuperamos tamén o programa Os ollos verdes que permite ao estudantado da USC anotado no ciclo acadar 1 crédito ECTS. Comezamos con Albergando a nada, aposta de cinema radical do taiwanés Tsai Ming-liang, e Kneecap, reivindicación do gaélico irlandés a través da música urbana.
Do 24 de setembro ao 8 de outubro recuperamos a obra de Robert Bresson nun pequeno foco que inclúe as memorables Pickpocket, O proceso de Xoana de Arco e O diñeiro. O ciclo conta coa colaboración da distribuidora Avalon.
O xoves 26 de setembro ás 18:30h NUMAX acolle un taller que inclúe a proxección de dous filmes sobre a memoria colonial en Filipinas e un coloquio posterior co público da sala. A sesión será filmada e empregada como material de estudo e divulgación por parte da investigadora Anna de Guia-Eriksson, promotora da actividade. A entrada é gratuíta até completar aforo, con reserva de praza no correo [email protected].
