Os filmes máis recentes da carteleira, proxectados nas mellores condicións técnicas e sempre en versión orixinal subtitulada no único cinema do centro da cidade.

Reestrea en copias novas de filmes rodados en celuloide e dixitalizados en 2 e 4K, a partir do escaneo dos negativos orixinais. Volve a ver nunha sala os teus filmes preferidos e os clásicos da historia do cinema.

Por terceiro ano consecutivo o Cinema NUMAX participa no WOS Festival, un encontro que defende unha visión ampla da cultura alternativa e de vangarda. Do 6 ao 10 de setembro de 2017.

Os ollos verdes. O cinema inédito de NUMAX. Un ciclo que renovamos ano a ano e que reúne os títulos máis arriscados e anovadores da carteleira.

A nosa proposta para crianzas chámase Petís NUMAX, unha estupenda selección de filmes ideal para iniciar na sétima arte ás petís da casa.

Retrospectiva da obra do fundamental cineasta francés Maurice Pialat con motivo do centenario do seu nacemento. Inclúe 9 das súas 10 longametraxes restauradas en 2K ou 4K.

Co gallo da estrea de «Unha batalla tras outra», a nova creación de Paul Thomas Anderson, ofrecemos un foco con tres das súas obras máis prestixiosas.

A volta ao curso en NUMAX permitiranos descubrir algúns dos títulos máis destacados da xeración que renovaría o cinema arxentino desde finais da década dos 60 até os 80. O ciclo está programado por Ramiro Sonzini, cineasta e cofundador da revista "La vida útil".