A Libraría NUMAX participa nas Feiras do Libro de Viveiro e Foz!
A Libraría NUMAX participa este verán na Feira do Libro de Viveiro (do 13 ao 16 de agosto) e na Feira do Libro de Foz (do 20 ao 23 de agosto). Poderedes atopar a nosa caseta nos Xardíns Noriega Varela (Viveiro) e na Praza Conde Fontao (Foz) e beneficiarvos do 10% de desconto en todos os libros!
Os Xardíns Noriega Varela acollen a Feira do Libro de Viveiro! A feira estará aberta en horario de 12.00 a 14.00 e de 18:00 a 22.00 da noitiña. Todas as persoas que se acheguen contarán con descontos do 10% en todos os libros, así como unha interesante programación especial na carpa de actividades.
Este evento está organizado pola Federación de Librarías de Galicia baixo o lema "A porta a universos infinitos". A caseta da Libraría NUMAX, que participa os catro días da feira, do xoves 13 ao domingo 16 de agosto, acollerá as sinaturas de O país invisible (Libros del K.O) con Arturo Lezcano o xoves 13 de agosto ás 19.30h, de Primeiro espello (Fabulatorio) con Olalla Cociña o venres 14 de agosto ás 20.15h e de Carolina Sarmiento que firmará exemplares do seu libro Las fronteras (Siruela) o sábado 15 de agosto ás 19.00h. Podedes consultar todas as actividades e presentacións pinchando aquí!
________
A Praza Conde Fontao acollerá a Feira do Libro de Foz! A feira terá un horario de 17:30 a 22.00 da noite. Todas as persoas que se acheguen contarán con descontos do 10% en todos os libros. A programación para estes catro días inclúe a firma na caseta de NUMAX do poemario Primeiro espello (Fabulatorio) con Olalla Cociña o xoves 20 de agosto ás 20.30h.
- hoy
- Ver más
-
-
Están vivos
VOSE
