A 21ª MICE vívese en NUMAX cunha retrospectiva integral á cineasta navarra Maddi Barber
Un ano máis, e xa van dez, estamos moi felices de sermos unha das sedes da MICE — Mostra Internacional de Cinema Etnográfico que organiza o Museo do Pobo Galego e neste 2026 cumpre a súa 21ª edición. As citas deste ano en NUMAX terán lugar o xoves 12, venres 13 e sábado 14 de marzo, con tres sesións dedicadas a Maddi Barber.
As obras máis recentes da cineasta navarra nacen dun vínculo profundo co territorio prepirenaico onde medrou e dialogan, desde a etnografía experimental, coa memoria, as infraestruturas, a ecoloxía e a ética do coidado entre persoas e natureza. Todos os pases contarán con presentación e coloquio de Maddi Barber, acompañada no pase do sábado pola escritora María Sánchez, colaboradora dun dos seus filmes. As entradas xa se encontran á venda na nosa web ou na billeteira da sala, cun custe de 3€ por persoa.
Xoves 12 / 18:00
Urpean lurra (Maddi Barber | 50 min | 2019) + 592 metroz goiti (Maddi Barber | 24 min | 2018)
* Presentación e coloquio con Maddi Barber
Venres 13 / 18:00h
Gorria (Maddi Barber | 2020 | 22 min) + Yours Truly (M. Barber & Charlotte Hoskins & Christopher Murray | 2018 | 15 min) + Core (Maddi Barber & June Crespo | 2023 | 21 min)
* Presentación e coloquio con Maddi Barber
Sábado 14 / 18:30
Cambium (Maddi Barber & Marina Lameiro, 22 min, 2024) + Alas / Tierra (Maddi Barber con guión de María Sánchez, 11 min, 2023)
- Hoxe
- Ver máis
-
-
O axente secreto
VOSE
