A Libraría NUMAX non falta á súa cita anual co Día Internacional do Libro, que se celebra este luns 23 de abril, xornada na que abrirá desde as 10:00 ata as 22:00 en horario ininterrumpido.
A partir do martes 17 de abril a Libraría NUMAX custodiará sete proxectís Mauser atopados nun solar que fora campo de concentración franquista en Iria Flavia. Da man da pregunta Onde gardamos a memoria? conforman a peza que substitúe o fragmento de mosaico romano exposto durante un mes na vitrina da actividade Fóra dos museos. Trátase dun percorrido singular arredor de seis pezas únicas provintes de museos e coleccións privadas que convidan á reflexión sobre o papel destas institucións en Galicia.
Acompañado do poeta Estevo Creus e do editor Francisco Castro, Eduardo Estévez presenta «nós-dentro», o poemario que vén de publicar a editorial Galaxia, o mércores 25 de abril ás 20:00 na Libraría NUMAX.
Este venres 6 ás 20:00 a Libraría NUMAX acolle a presentación da novela Veintitantos problemas, de Álvaro Domínguez, publicada por Tandaia. Acompañarao o editor Borja F. Caamaño.
O domingo 29 de abril ás 11:30 da mañá recibiremos unha visita moi especial. Nobuhiro Suwa, «o cineasta xaponés máis importante do século XXI» (Otros Cines Europa) ofrecerá un encontro co público no Cinema NUMAX dentro do programa «A cor das palabras. Encontros con cineastas» organizado polo Concello de Santiago en colaboración co Cinema NUMAX. A entrada é gratuíta e podedes reservar xa a vosa entrada no correo [email protected]
