A terceira conversa da actividade «Veladas analóxicas» xuntará na Libraría NUMAX á escritora Lara Dopazo Ruibal e ao catedrático de medicina legal Ángel Carracedo nunha conversa titulada «Dentro e fóra dos marcos». Esta actividade, comisariada pola poeta Alicia Fernández, terá lugar o venres 15 de setembro ás 20:30 da tarde, e está subvencionada pola Deputación da Coruña. A entrada é libre ata completar aforo.

Ver máis

Un ano máis, chega á nosa pantalla un dos eventos máis relevantes do panorama cultural compostelán: o WOS Festival X Son Estrella Galicia. Nesta nova edición, o certame contará con dúas suxestivas propostas que se celebrarán no Cinema NUMAX o sábado 16 (Expedition Content) e o domingo 17 (CAN and Me). Xa se pode reservar butaca para ambas sesións!

Ver máis

A cinefilia mundial está de celebración no regreso de Víctor Erice á longametraxe coa estrea de Cerrar los ojos o 29 de setembro. Para ir abrindo boca arranca o Foco Víctor Erice, un ciclo que recupera en copias restauradas as dúas obras mestras que deron a coñecer o talento do cineasta vasco. Xa podes reservar praza para os 3 pases especiais que imos celebrar de El espíritu de la colmena.

Ver máis

O docente e pedagogo Pere Peris e o psicoterapeuta Xavier Gimeno presentarán o próximo mércores 6 de setembro ás 20:30h o libro El valor de los cuidados. La supervisión publicado por Octaedro Editorial e coordinado por Arnau Careta e Neus Ballesteros. Estarán acompañados no acto polo escritor e profesor Eduard Velasco. A entrada é libre ata completar aforo.

Ver máis

PRAZAS ESGOTADAS!. Volve o Club de Lectura organizado entre a Libraría NUMAX e a editorial Irmás Cartoné. Neste segundo bloque temático de 2023, coordinado por Carlos Valdés e Celia Recarey, as lecturas centraránse nas viaxes como tema. A actividade conta co apoio do Concello de Santiago de Compostela. 

Ver máis

O xoves 20 de xullo ás 20h00 acolleremos na Libraría NUMAX ás escritoras vascas Uxue Alberdi e Miren Amuriza xunto á escritora galega Eli Ríos. As autoras de La trastienda, Basa e Lunes, todas con obras publicadas en consonni, terán un encontro que porán en común as súas novelas. A entrada é libre ata completar aforo.

Ver máis