Co gallo da reestrea de El mundo sigue, actualmente na carteleira do Cinema NUMAX, aproveitamos para recuperar a minuciosa análise da filmografía de Fernando Fernán-Gómez que o catedrático José Luis Castro de Paz realizara para Ediciones Cátedra no ano 2010. Castro de Paz estará na nosa libraría presentando Fernando Fernán-Gómez o vindeiro venres 17 de xullo ás 18:00, xusto despois do pase diario de El mundo sigue que ese día terá lugar ás 16:00.

Ver máis

A libraría NUMAX acollerá este xoves 25 de xuño ás 20h a presentación do poemario O que precede a caída é branco de Oriana Méndez, gañador do XVII Premio de Poesía Concello de Carral. Estará acompañada da crítica literaria Ana Salgado e do poeta Gonzalo Hermo.

Ver máis

O xoves 18 de xuño ás 20h teremos na nosa libraría aos membros de Ataque Escampe para presentar, canda ao artista plástico Misha Bies Golas, Relatos americanos. Trátase dun libro en edición limitada (300 exemplares) que combina 36 láminas con colaxes de Misha Bies Golas con outros tantos textos coas historias on the road da banda compostelana. O proxecto vai acompañado por unha suite musical instrumental que se pode descargar cun código que se facilita no libro, e estará dispoñíbel a partir do mesmo 18 de xuño ao prezo de 15 euros.

Ver máis

A Consellaría de Traballo, a través da Subdirección Xeral de Cooperativas e Economía Social da Xunta de Galicia, logo da reunión do xurado celebrada o pasado 2 de xuño, acordou concederlle a NUMAX​ S. Coop. Galega o PREMIO AO MELLOR PROXECTO COOPERATIVO 2015.

Ver máis

O vindeiro luns 15 de xuño recala en NUMAX o ciclo itinerante dedicado á figura de Jack Chambers que están a promover CRATER-LAB e LUMIÈRE en colaboración con Lauren Howes, directora do Canadian Filmmakers Distribution Centre. Trátase dunha retrospectiva integral da súa obra con copias en 16mm. recentemente restauradas. Será o noso primeiro evento fóra da programación regular, con dous únicos pases que recollen a longametraxe e as catro curtas do cineasta canadiano.

Ver máis

Para pechar o mes de maio temos dúas novas presentacións de libros en NUMAX: Tra(n)shumancias, de Luz Pichel, ten a súa quenda o xoves 28 ás 20h, e contaremos coa presenza da autora e a introdución de Olalla Cociña e Gonzalo Hermo. Un día despois, venres 29 ás 20h, teremos connosco a Xoan C. Rodríguez para achegarnos ao seu Sectores de fogo, acompañado da poeta Chus Pato e do ilustrador e deseñador do libro, Alejandro Caporale.

Ver máis