[FOTO: © Distrito Xermar, arquivo da AELG]
Volven as presentacións á Libraría NUMAX! A escritora compostelá Berta Dávila (1987) visitaranos o vindeiro xoves 25 de febreiro ás 19:30 presentar Illa Decepción, gañadora da XIV edición do Premio Narrativa Breve Repsol en Lingua Galega. A autora estará acompañada por Carlos Lema, director da Editorial Galaxia, nun acto que será retransmitido vía streaming nas redes sociais de NUMAX.
O foco do mes de xaneiro en NUMAX recupera a obra, vida e pensamento dun dos creadores máis imaxinativos e soñadores da historia: Federico Fellini. Co gallo da estrea de Fellini dos espíritos, con material inédito sobre o director de Rimini, recuperamos tres das súas obras mestras: Almas sen conciencia, Fellini, oito e medio (8½) e Giulietta dos espíritos.
Deixamos un ano difícil para todas nós, pero non queremos deixar de repasar aqueles fitos, actividades e encontros felices que deron sentido a este 2020 en NUMAX.
Xisela Franco pechaba o ciclo Discursos en acción o pasado 22 de agosto. Dentro desta actividade organizada pola Libraría NUMAX, comisariada por Performa e co apoio da área de Cultura da Deputación da Coruña, a cineasta de Vigo presentaba un proxecto de carácter reflexivo á vez que experiencia de cinema en directo. En «O meu é teu pero o teu non é meu», Franco exploraba "desde o meu actual estado de confusión", segundo ela mesma explicaba, conceptos da filosofía recorrentes na súa vida.
2020 foi un ano duro e estraño para todas, pero non queremos deixar de lembrar aqueles filmes que máis nos emocionaron ás traballadoras de NUMAX. Películas que contaron coa presentación dos seus creadores ou creadoras (El año del descubrimiento), que deixaron pegada na súa estrea (Vitalina Varela, Estaba na casa, pero..., Nunca, case nunca, ás veces, sempre) ou que agardamos poder gozar neste 2021 (First Cow).
«O que queda na retina» é o título da aula que a directora de fotografía Lucía Catoira Pan ofrecerá o domingo 13 de decembro ás 11:30, dentro do ciclo de encontros con cineastas A Cor das Palabras que organiza o Concello de Santiago en colaboración con NUMAX. Para asistir, a entrada é de balde pero é preciso enviar un correo a [email protected], indicando nome completo e número de contacto.
