Nada nos pode facer máis felices que programar unha retrospectiva (case) completa á obra dun dos maiores xenios do cinema actual e padriño de NUMAX na nosa apertura: o gran Aki Kaurismäki. Un total de 14 filmes en sesións dobres (martes e sábados) que botou a andar o 7 de setembro e terá o seu último pase o martes 4 de xaneiro de 2022.
A quinta e última proposta do «Intemperiadas, correspondencias interartes con Xela Arias» acollerá o traballo da fotógrafa Verónica Vicente. A invervención, que leva por nome «[sen título]», terá lugar o próximo sábado 18 de setembro ás 13:30h. Esta actividade está comisariada por Charo Lopes e apoiada pola Deputación da Coruña.
Estreamos o curso cunha nova convidada no ciclo A cor das palabras que organiza o Concello de Santiago en colaboración con NUMAX. O domingo 12 de setembro ás 11:30, a investigadora e historiadora do cinema Sonia García López ofrecerá o encontro «Quen teme o lobo feroz? A Escola Oficial de Cinematografía e a censura».
Un ano máis NUMAX acolle a programación cinematográfica do WOS x SON Estrella Galicia, celebración anual da cultura alternativa e de vangarda. A aposta fílmica desta edición inclúe dous filmes que nos falan de mulleres pioneiras fundamentais para a música electrónica que, nas súas proxeccións, contarán con presentación e coloquio das súas autoras especialmente convidadas para a ocasión: Lisa Rovner e Caroline Catz.
A cuarta cita do ciclo «Intemperiadas, correspondencias interartes con Xela Arias» chega o próximo sábado 21 de agosto ás 13:30h coa dupla musical Jóia Rara e a intervención sonora que leva por título «Ou subir ou partir as caléndulas». Esta actividade está comisariada por Charo Lopes e apoiada pola Deputación da Coruña.
Un ano máis no Cinema NUMAX estamos moi felices de participar como sede do ciclo De Lugares e Órganos, organizado polo Concello de Santiago dentro do Festival C. Neste 2021 o filme escollida para afondar na relación entre o órgano e a arte do cinema é todo un título de culto da Serie B: O carnaval das almas.
