As aventuras están por todas partes, só hai que saber mirar. Sofía emprende unha viaxe por escenarios sorprendentes cheos de personaxes, pequenas historias, situacións divertidas e retos visuais por descubrir.

Un espectacular álbum de observación de gran formato no que cada dobre páxina invita a deterse, mirar, buscar e deixar voar a imaxinación. Máis de 200 personaxes, situacións e detalles agochados enchen as súas ilustracións, creando infinitas historias e novos descubrimentos en cada lectura.

Con textos breves en maiúsculas e divertidos xogos de observación, As aventuras de Sofía converte a lectura compartida nunha experiencia interactiva que anima a observar, conversar e inventar novas historias.

Un libro para explorar unha e outra vez, recomendado a partir de 4 anos.