Xoán Carmona e Edelmiro López Iglesias conseguen, grazas á súa análise feita non só con rigor, senón cun novo foco iluminador, botar por terra algúns elementos que mesmo funcionan como un axioma social no ideario colectivo. Á contra do que se di, Galiza é unha economía industrial. Éo desde que existiu industria - onte - e hoxe con maior peso, en Valor Engadido Bruto (VEB) e mais en emprego, que a media española. Xunto con Nafarroa, Rioja e Euskadi fai parte do grupo de economías máis industrializadas de España: somos unha economía cun peso industrial medio/ alto no contexto estatal.