Mr. Bongo está a piques de dar un concerto… pero a súa banda desapareceu.

Coa axuda do lector, percorrerá un parque cheo de escenas sorprendentes para atopar a cada músico antes de que comece o espectáculo.

En cada dobre páxina agóchase un novo reto: un flamengo cunha guitarra vermella, un tucán cunha trompeta amarela, unha iguana cunha batería rosa… entre centos de personaxes e situacións divertidísimas.

Un libro de busca e atopa que invita a observar, xogar e compartir, ideal para desenvolver a atención, a concentración e o gusto pola lectura visual.

Con ilustracións cheas de cor, humor e detalles, Jim Stoten crea un universo único que se descobre unha e outra vez.

Perfecto para ler en familia, traballar na aula ou para xogar en grupo.