No 2011 o prolongado conflito que vive o País Vasco semella chegar á súa fin. Unha moza foxe cun claro obxectivo: cruzar a fronteira, a "muga", porque sabe que iso a poderá levar lonxe do seu lugar de orixe, onde xa non está segura. No medio da súa fuxida chega a Zubieta, unha vila fronteiriza onde antigos mitos e conflitos modernos parecen converxer. Agochada no faiado dunha das casas da vila comeza a observar un cotián aparentemente inmóbil como a pedra. Co paso do tempo, un tempo difuso e indefinido, onde os días se converten en noites e as noites en días, a súa fuxida comeza a ser cada vez máis densa e labiríntica.