National Gallery, de Frederick Wiseman, adéntrase co público na institución londinense, nunha viaxe ao corazón do museo habitado por obras mestras da arte occidental desde o medievo até o século XIX. National Gallery é o retrato dun lugar, o seu xeito de traballar e as relacións que estabelece co mundo, o seu persoal, o seu público e as súas pinturas. A través dun perpetuo e vertixinoso xogo de espellos, o filme olla para a pintura e a pintura para o filme.