O único documental dirixido polo político e escritor Jorge Semprún Maura é este relato polifónico sobre a Guerra Civil española e as súas consecuencias, centrado nas experiencias dos republicanos que perderon, mais aberta a interpretacións diversas sobre a guerra e a posguerra.

Estreada en Francia e censurada en España (tería dúas proxeccións durante a Transición), contén entrevistas a Santiago Carrillo, María Casares, Federica Montseny, Gabriel Jackson, Ian Gibson, Núria Espert, Yves Montand, Costa-Gavras, Juan Goytisolo, José Peirats, Dionisio Ridruejo ou José María Gil-Robles.