Unha mesma pregunta para cada un dos líderes das forzas políticas que agroman no país logo da morte de Franco: Como se pasa dunha Ditadura a unha Democracia? O filme constitúe a síntese das filmacións clandestinas abertamente políticas de Portabella e a súa contorna. Coherente eslabón nunha filmografía dirixida a explorar os límites da representación fílmica, o filme trata da futura representación política na transición española, cunha clara vocación democrática contradita pola súa virtual invisibilidade durante trinta anos.