Unha das grandes obras de Charles Chaplin, na que interpreta un solitario buscador de ouro que chega a Alaska, a principios de século, na procura de fortuna. Unha forte nevarada levaráo a refuxiarse na cabana dun bandido. Ler máis
Orlac, un pianista famoso, perde as dúas mans nun accidente. Os médicos deciden trasplantarlle as mans de Vasseur, un asasino condenado á morte. A operación é un éxito, pero desde ese momento o pianista comeza a verse embargado por impulsos criminais. Ler máis
En México, a inicios do século XX, o humilde cura Nazario comparte a súa pobreza cos necesitados que habitan o mesón Chanfa. Despois de protexer unha prostituta que provoca un incendio, Nazario vese obrigado a abandonar o lugar. Obra mestra de Buñuel coa que recordamos o gran actor Francisco Rabal (1926 - 2001) no centenario do seu nacemento. Ler máis
A obra mestra de Harold Lloyd ten como protagonista a un mozo de campo recén chegado á cidade cuxo plan para gañar diñeiro fracasa. Para resolvelo debe escalar un edificio de 12 andares e remata pendurado das agullas dun enorme reloxo. Ler máis
Clásico do cinema mudo alemán protagonizado polo grande Emil Jannings no papel do porteiro dun luxoso hotel que é degradado ao posto de mozo de lavabos. Privado do seu antigo traballo e do uniforme que o identifica, tenta ocultar a súa nova condición, pero a súa vida vaise desintegrado devagar. Ler máis
Fábula moral dirixida polo gran F. W. Murnau e baseada na comedia de Molière sobre a hipocrisía dun home que se quere apoderar dunha gran fortuna. Ler máis
A historia céntrase nun mozo fracasado, unha moza afeita á vida dura na ribeira e un neno cuxos país morreron no río. Co fin de fuxir do fango o mozo convéncea para ir á cidade levando o neno canda eles. Alí reunirase co bruto, que lles ofrece refuxio só porque lle gusta a moza. Ler máis
Melodrama que denuncia a hipocrisía e os prexuízos morais da sociedade a través da historia de Marie St. Clair (Edna Purviance), unha sinxela moza dunha pequena vila francesa namorada dun pintor. Ler máis
