Unha actriz travesti, estrela do teatro porteño, alcanza o éxito profesional e económico e decide, xunto co seu home —un avogado acomodado—, adoptar un fillo. Mais ese soño de plenitude comeza a esfarelarse cando o pasado reaparece e a “domesticación” da súa vida parece poñer en risco a súa liberdade. 

Javier Van de Couter é guionista e director. Gañou o Premio Konex 2021 e o Premio Coral ao Mellor Guión Inédito pola súa ópera prima Mía (2011), tamén distinguida co Premio Maguey no Festival de Guadalajara. A súa película Implosión (2021) obtivo o Gran Premio á Mellor Película Arxentina no BAFICI. Autor e director de series como La celebración e Historia de un clan.