As irmás Setsuko e Mariko rexentan un pequeno bar en Tokio. Pese a ter medrado xuntas, non poden ser máis distintas: Setsuko, a maior, viste kimono tradicional e casou moi nova con Mimura, un home triste e que bebe en exceso; Mariko, a menor, prefire a roupa de estilo occidental e gozar dos pequenos praceres da vida. O abismo entre elas redúcese co regreso do anticuario Hiroshi, o grande amor de xuventude de Setsuko. Convencida de que aínda hai sentimentos entre ambos, Mariko tratará de revivir a toda costa a paixón entre Hiroshi e a súa irmá.